InfoHub Logo

Búgin, 20 jeltoqsanda Atyraý qalasynda belgili aıtysker aqyn Baýyrjan Halıollanyń “Móltek álem móldiri” atty ádebı-sazdy shyǵarmashylyq jyr keshi ótti. Qazaqstan jazýshylar jáne jýrnalıser odaǵynyń múshesi, halyqaralyq aqyn-jyrshylar men aıtyskerler odaǵynyń múshesi Baýyrjan Halıolla – 3 kitaptyń avtory.

Jyr keshine oblys turǵyndary men qonaqtary, Atyraý oblysynyń ákimi Nurlan Noǵaev jáne respýblıkalyq BAQ-tardyń bas redaktorlary qatysty. Keshti aıtysker aqyn Talant Arǵynǵalı júrgizip otyrdy.

Ádebı sharada aqynnyń “Tusaýkeser”, “Júrek sózi”, “Qatımollaǵa arnaý”, “Dosyma hat” syndy ánderi shyrqalyp, óleńderi oqyldy.

“Sońǵy jyr keshimdi osydan bir jyl buryn ótkizdim. Bir jyl ǵumyrym úshin sekýndtaı ǵana bolsa da, men úshin bul uzaq ýaqyt ótti. Aldaryńyzǵa sher tarqatyp, syrlasaıyn dep, shyǵarmashylymdaǵy jańalyqtardy tanystyraıyn dep shyǵyp otyrmyn. Osynaý keshtiń ótýine sebep bolǵan aımaq basshysy Nurlan Noǵevqa erekshe alǵys aıtamyn”, – dedi aqyn sóz alǵanda.

Oblys ákimi Nurlan Noǵaev mádenıet pen ónerdi árqashan qoldaıtynyn aıtyp, aqynnyń shyǵarmashylyǵyna tabys tiledi.

“Adamǵa aqyndyń ónerdiń bitýi – basyna qonǵan baqpen teń. Bul baq Baýyrjan Halıollaǵa da bitti. Endi bul ónerdi eldiń mádenıetin kóterip, jan-dúnıesin damytýǵa jumsaý kerek. Kez kelgen mamandyq ıesiniń qoǵamdaǵy óz orny bar desek, óner adamdarynyń jóni tipten bólek”, – dedi Nurlan Noǵaev.

---