InfoHub Logo

«Elbasy Joldaýy men 2015-2019 jyldarǵa arnalǵan IIDMB-da ekonomıkanyń basym baǵyttary úshin básekege qabiletti kadrlardy daıarlaý boıynsha aýqymdy mindetter qoıylǵan. «Nurly jol» baǵdarlamasyna sáıkes, IIDMB kásiporyndary úshin úsh jylda joǵary oqý oryndarynda 8200 kadr daıarlaný kerek. Qazirgi tańda 11 IIDMB bazalyq joǵary oqý ornynda 4700 profıldi baǵyttaǵy magıstrant oqyp jatyr. IIDMB úshin mamandar daıarlaýdyń erekshelikteri - birinshiden, oqytýdyń adrestik júıesi arqyly, ıaǵnı stýdentterdi naqty kásiporyndarda kásibı tájirıbemen qatar oqytý, odan keıin olardy jumysqa ornalastyrý. Ekinshiden, sheteldik sarapshylardyń qatysýymen bilim baǵdarlamalaryn daıarlaý, úshinshiden, kásiporyndardyń sarapshylyq baǵalaý arqyly bilim baǵdarlamalary men oqý josparlarynyń sapasyn anyqtaý, tórtinshiden, óndiris mamandaryn oqý prosesine belsendi túrde tartý, besinshiden, ǵylymı zertteý nátıjelerin oqytylatyn pánderge qosý», - dedi B.Asylova.

Vıse-mınıstrdiń aıtýynsha, búgingi tańda magıstranttar 48 jańa ınovasıalyq bilim baǵdarlamasy boıynsha oqyp jatyr. Bul baǵdarlamalar sarapshylar, 47 sheteldik áriptes JOO jáne 114 IIDMB kásipornymen birigip ázirlengen. Bilim baǵdarlamalarynda memleket, qoǵam men eńbek naryǵynyń suranystaryna jaýap beretin quzyretter belgilengen.

«2017 jylǵy qańtarda 2015 jyldyń alǵashqy 1900 magıstranty oqýyn bitiredi. Olardyń árqaısysymen jumyspen qamtý týraly úsh jaqty kelisimshart bekitilgen. Degenmen, biz elimizdegi ekonomıkalyq jaǵdaıǵa baılanysty IIDMB kásiporyndary tarapynan jumysqa ornalastyrý mindettemeleriniń oryndalmaý qaýpin joqqa shyǵarmaımyz. Bazalyq JOO málimetine sáıkes, 64 magıstranttyń jumyssyz qalý qaýpi bar. Bul magıstranttar L.Gýmılev atyndaǵy Eýrazıa Ulttyq ýnıversıteti, Q.Sátpaev atyndaǵy QazUTÝ, QarMTÝ, M.Áýezov atyndaǵy OQÝ-da bilim alyp jatyr», - dedi vıse-mınıstr.

---