«Baıqońyrdy jalǵa bergenimizben, azamattarymyzdy jalǵa bergen joqpyz!»
Bıylǵy oqý jylynan bastap, Baıqońyrdaǵy 6 mektep qazaqstandyq bilim berý standartyna kóshken bolatyn. Búgin Ortalyq komýnıkasıalar qyzmetinde ótken baspasóz májilisinde Qyzylorda oblysy ákiminiń orynbasary Rýslan Rústemov mektepter qazaqstandyq standartqa kóshkeli muǵalimderdiń jalaqysy kóbeıgenin aıtty, dep habarlaıdy Baq.kz tilshisi.
«Bıylǵy jańa oqý jylynan bastap, 6 mektep jáne bir balabaqsha qazaqstandyq bilim berý standartyna kóshti. Aıta keterligi, qazaqstandyq standartqa kóshkeli 6 mektep pen balabaqsha da sońǵy úlgidegi jańa texnologıamen qamtamasyz etildi. Oǵan qarjy oblystyq búdjetten bólindi. Osynda jumys isteıtin ustazdar men tárbıeshilerdiń jalaqysy Reseıdegi standartpen oqyǵan kezdegiden óskeni baıqalady», - dedi Qyzylorda oblysy ákiminiń orynbasary.
Onyń aıtýynsha, qazirgi kezde Baıqońyrdaǵy 6 mektepte 4755 bala bilim alady. Al bir balabaqshada 177 bala ózimizdiń júıe boıynsha bilim alýda. Endi, ol mektepterdi kúrdeli jóndeýden ótkizý, materıaldyq jaǵdaılaryn jaqsarta berý nazarda bola beredi.
«Bul jóninde oblys ákimi Qyrymbek Kósherbaevtyń jaqsy ustanymy bar. «Biz Baıqońyr ǵarysh aılaǵyn jalǵa bergenimizben, azamattarymyzdy jalǵa bergen joqpyz» , degen bolatyn. Búgingi kúni Baıqońyrda 40 myńnan astam Qazaqstan azamaty bar.Olar bolashaqta memleketten tıisti áleýmettik kómekterin ala beretin bolady», -deıdi oblys ákiminiń orynbasary.
Aıta keteıik, Baıqońyrda jalpy bilim beretin 14 mektep bar. Onda 9000-ǵa jýyq oqýshy bilim alady. Onyń ishinde altaýy qazaq mektebi.
You Might Also Like
-
1492 j Krıstafor Kolýmb tarapynan ashyldy dep bilinetin Amerıka qurlyǵy negizinde musylmandar tarapynan tabylǵan. Buǵan baılanysty kóptegen derekter bar. Birneshe mysal keltireıik:
-
Dıetologıa mamandary salmaq artýyn toqtatýda nemese salmaǵyn turaqtandyrýda densaýlyq jáne teri úshin ómirlik mańyzdy bolǵan azyqtardy eleýsiz qaldyrmaýǵa keńes beredi.
