InfoHub Logo

Keshegi soǵys jyldarynda halyq barlyq azyq-túlikti maıdanǵa berip, ózderiniń ýaqytsha bolsa da ashyǵýyna týra keldi. Mine, osy ýaqytta Kedeı rýynyń Bektursyn degen kisisi bir qoıan tutyp alyp, úıine ákelip astyrǵan kórinedi. Aýqat endi daıyn bolǵan kezde úıge sálem berip, bir qonaq kirip keledi. Olar amandasyp, jón surasady. Al Bektursyn bolsa, ózi ash, ana kisiniń daıyn aýqatqa kelgenin jaqtyrmaı
otyrady.

Aýqat daıyn bolyp, aldaryna keledi. Sonda qonaq:

— Apyrmaı, Beke, myna qoıandy qalaı ustadyńyz? — dep suraıdy.

Sonda Bekeń:

— Myna bizdiń kempir dáret alyp otyrsa, aspanda bir búrkit qoıanǵa shúıligip kele jatqan eken. Qoryqqan qoıan bizdiń kempirdiń aıaǵynyń arasyna kirip ketse, kempir etegin jaba qoıypty da, qoıandy qulaǵynan ustap úıge ákeldi. Mynaý sol qoıannyń eti, — deıdi.

Sonda qonaq tym-tyrys otyryp qalypty jáne qoıan etinen aýyz da tımepti.

***

Bizdiń elde Álmen Bazarov degen kisi bar. Ózi bala kezinen bastap-aq sózge úıir, áńgimequmar kisi eken. Sol kisi 5 — 6 jasar kezinde jatar aldynda ájesinen nan surapty. Ájesi:

— Tań atsyn da, aınalaıyn-aý, — dese, Álmen:

— Áje, tań atpaı qalsa, qaıtemin, — degen eken.

---