InfoHub Logo

Ádebıet 6 synyp
Sabaqtyń taqyryby: Berdibek Soqpaqbaev «Meniń atym – Qoja» (prezentasıasymen)
Sabaqtyń maqsaty:
Bilimdilik: Oqýshylarǵa Berdibek Soqpaqbaevtyń álemge tanylǵan áıgili shyǵarmasy týraly bilim berý.
Hıkaıat boıynsha oqýshylardyń, oıyn tıanaqtaý, Qoja minezine taldaý jasap, óz kózqarastaryn júıeli aıtýǵa úıretý.
Damytýshylyǵy: Oqýshyny jańa uǵymdy ózi izdep tabýǵa baǵyttaý, oqýshynyń oı - órisi men dúnıetanymyn keńeıtý, qyzyǵýshylyǵyn oıatý.
Tárbıeligi: Oqýshylardy tártipti bolýǵa, adamgershilikke tárbıeleý.
Sabaqtyń tıpi: Jınaqtaý - bekitý - taldaý
Túri: Dástúrli emes
Kórnekiligi: Berdibek Soqpaqbaev portreti, kitaptary. «Meniń atym - Qoja» fılminen alynǵan sýretter.
Ádisi: Suraq - jaýap, Raft - 2, «Toptastyrý»

Sabaqtyń barysy: 1. Uıymdastyrý kezeńi. Oqýshylarmen amandasý, sabaqqa
nazaryn aýdarý.
Sabaqtyń jospary:
1. Ne sóıleıtinińdi bil. Kimge sóıleıtinińdi bil. Qaı jerde sóıleıtinińdi bil. Qalaı sóıleıtinińdi bil. (Úı tapsyrmasy )
2.«Bilgen saıyn keledi bile bergim…» (Jańa sabaq)
a) «Túbinde adam bolatyn bala» (Qoja beınesi)
b) «Ótkirdiń júzi, kesteniń bizi, órnegin sendeı sala almas»
(Shyǵarmashylyq jumys)
3. Ne úırendim, ne bildim. (Sabaqty bekitý)
4. Baqytty balalyq shaq. (Sabaqty qorytý)

(Kınodan kishkene úzindi beriledi?)
2. Úı tapsyrmasyn suraý.
- Úıge qandaı tapsyrma berildi?
- Berdibek Soqpaqbaevtyń «Meniń atym - Qoja» hıkaıaty
- Balalar, úıge berilgen tapsyrmany biz báıge túrinde ótemiz.
Men oıyn shartymen tanystyraıyn.

Syzba ornalasqan árbir uıashyqta B. Soqpaqbaevtyń «Meniń atym - Qoja» hıkaıatynyń jelisi boıynsha suraqtar jasyrylǵan
1. Oń jaqtaǵy 10. Hıkaıat qalaı bastalatyn edi?
2. Col jaqtaǵy 10. Qoja óz ákesine degen saǵynyshyn qalaı bildiretin edi?
3. Oń jaqtaǵy 20. Mektep janyndaǵy kezikken synyptasy Jantas Qojaǵa ne dep edi, odan keıingi Qojanyń áreketi qandaı boldy?
4. Sol jaqtaǵy 20. Maıqanova men Qojanyń arasyndaǵy kıkiljiń neden bastalǵan bolatyn?
5. Oń jaqtaǵy 30. Orys tili pániniń muǵalimi Anfısa Mıhaılovnanyń sabaǵynda Jantas ne úshin sógis aldy jáne bul jaıtqa Qojanyń kózqarasy qandaı?
6. Sol jaqtaǵy 30. Qaı oqıǵadan keıin synyp jetekshisi Maıqanova sabaqqa eki kún qatarynan kelmeı qaldy?
7. Ortadaǵy 40. Tártipsizdiginen keıin anasy Qojaǵa óz renishin qalaı bildirdi?
8. Ortadaǵy 50. Sáıbek qart Qojaǵa ákesi jóninde qandaı estelikter aıtyp berdi?
9. Ortadaǵy 60. Qojanyń ádepti jolǵa túsýine sebepterdi ata?

Jańa sabaq «Bilgen saıyn keledi bile bergim…»
Qazaq prozasyna qaıtalanbas sony lep, ózgeshe órnek, ǵajaıyp syr - sıpat ákelgen kórnekti jazýshy, balalar ádebıetiniń klassıgi - B. Soqpaqbaev.
B. Soqpaqbaev - názik psıholog, bala janyn tereń zerttegen qalamger. Shyǵarmalary qazaq ádebıetiniń altyn qazynasyna qosylǵan qundy dúnıeler. Sondaı shyǵarmalarynyń biri -«Meniń atym - Qoja» hıkaıatymen tanyspyz. Búgin shyǵarmadaǵy keıipkerlerge taldaý jasaımyz.

4. Hıkaıattaǵy keıipkerlerge taldaý júrgizý.
Keste toltyrý.

Belsendi keıipkerler: Qoja, Jantas, Mıllat MaıqanovaQoja, Jantas, Mıllat Maıqanova
Tasadaǵy keıipkerler: Janar, Ospanov
Belsendi keıipkerler

5. Endi «Qoja qandaı bala?» degen suraqqa jaýap izdeımiz. Meniń baıqaýymsha, sizderdiń pikirlerińiz ár túrli. Soǵan baılanysty synyp eki topqa bólingen.
1top qarary: «Qoja - jaqsy bala»
2top qarary: «Qoja - tentek bala»

«Qoja - jaqsy bala»
Qoja - alǵyr bala
- aqyldy bala
- ádiletti bala
- meıirimdi bala

«Qoja - tentek bala»
Qoja - ótirikshi bala
– shydamsyz bala
- buzyq bala
- tıanaqsyz bala

«Terip alý» strategıasy
Alǵyr, pysyq -------------- ádiletti
ótirikshi ---------------------- aqyn
aqyldy ---------------------- ázilqoı
sotqar, tentek ------------- aramza
meıirimdi ------------------- tapqyr
qý, zymıan ------------------ qatelikterdi túsine biledi
shydamsyz ------------------ jaǵymsyz
tıanaqsyz

«Toptastyrý» strategıasy
Qoja
Jantas

7. «Qaı sát beınelengen?»
1) «Esikti asha bergenimde, tynysym múlde bitip, júregimniń soǵýy toqtap qalǵandaı boldy. Sol kezdegi kelbetim kóldeneń kózge tiri arýaq tárizdi qybyrlaǵan birdeńege uqsar deımin»
(Baqa oqıǵasynan keıin apasymen kezdeser sát )
2) Terezeniń tusynda mekteptiń baǵy bar. Osydan bes, alty jyl buryn óz qolymyzben otyrǵyzylǵan terekter. Bir terektiń basyna maımylsha órmelep shyǵyp aldym. (Ped. Keńes bolyp jatqan sát)
3). Qońyraý áli bola qoımaǵan. Sol kezde basyma sap etip, bir qyzyq oı kele qaldy. Kishkentaı baqanyń birin Maıqanovanyń sómkesine súńgittim de jiberdim. (Sómkeden baqanyń shyǵa kelý sáti)
4). Aýzymdy tútinge toltyryp alyp, jutyp kep qalǵanym sol eken bir keremet ýly gaz óńeshimnen sheńgeldep ala kep tústi. Jer dúnıe tóńkerilip bara jatty. (Qojanyń temeki tartqan sáti)

8). «Mynaý kim?»
- Bireýdi bireýge atystyryp, ot tastap júretin qý, sabaq ústinde sybyrlap - sypsyńdaǵysh. (Jantas)
- Men oqýlyq emes, qant alamyn. Sizdiń ne sharýańyz bar, qoıa berińiz. (Qoja)
- Biz ekeýmiz tanys shyǵarmyz deımin.(Maıqanova)
- Múmkin ornyńa baryp aıtatyn shyǵarsyń?
- Men seniń ákeńe qaryzdar adammyn. Meniń moınymda onyń tıyny emes, teńge emes, baqandaı bir qarasy júr. (Sáıbek qart)
- Kelesi sabaqqa qaısysyń baqa ustap ákelesińder. (Ospanov)

9. «Ótkirdiń júzi,
Kesteniń bizi,
Órnegin sendeı sala almas»
(Shyǵarmashylyq jumys)
Raft - 2
Ról: Qoja
Aýdıtorıa: Synyp bólmesi
Forma: İshki oı
Taqyryp: Túbi adam bolamyn.
10. «Túbi adam bolatyn bala» kórinis.
Qojanyń qaýlysy

Sabaqty bekitý.
11. «Ne úırendim, ne bildim?»
Osy sabaqtan «Júregime ne túıdim?»
12. Úıge tapsyrma: «Baqytty balalyq» oıtolǵaý
13. Oqýshylardy baǵalaý.