InfoHub Logo

Týǵan-týystary jıylyp, náresteni besikke salý dástúrin ótkizedi. «Besik alyp barý» — qazaqtyń bir jerge kelin bolyp túsken qyzy tuńǵyshyn bosanǵanda oryndalatyn dástúri. Besiktiń jasaýyn qyzdyń anasy daıarlaıdy. Oǵan qosa kıetin, zergerlik buıymdarmen dastarqanǵa qoıylatyn táttilerin salyp alyp barady. Alyp barǵan kıtiniń ishine toǵyz túrli zattar salady. Toǵyzǵa baǵaly kıimnen bastap, usaq zattar da kiredi.

Toıǵa jınalǵan qonaqtar asqa otyryp, shúıirkelese áńgimelesip, qudaǵılarmen tanysady. Shaı ishilip, áńgimeler aıtylady. Sonan soń «besikke salý» bastalady. Qudaǵılary alyp kelgen besikti ashpas buryn, sol úıdiń basqa kelinderi kórimdik suraıdy. Besikti ashatyn áıel kórimdigin beredi. Jórgekten shyǵaryp, ıtkóılek kıgizetin sábıdi besikke áıelderdiń ishinen jas jaǵynan bolsyn, minez-qulyq, is-áreket jaǵynan bolsyn parasatty, boıy taza, ınabatty, jón biletin, el-jurtqa syıly, balaly-shaǵaly bolǵan báıbishelerdiń biri salady. Balany besikke salarda besikti alastaý yrymy jasalady. Bul otqa tabyný dáýirinen qalǵan yrym. Balany besikke salarda besikti salarda qart analardyń bireýi shymshyýyrdy otqa qyzdyryp, sonymen besiktiń basyn, arqalyǵyn qaryp kertedi. Ot pen onyń ısinen jyn-shaıtan, dert-derbeze qashady mys dep eseptegen. Jańa besikke náresteni bólmes buryn, besikke salýshy besiktiń jabdyqtaryn oryndaryna qoıyp, shashý retinde alyp kelgen shaılyq táttileri men usaq, aqshalaı syılyqtaryn aralastyryp, besiktiń túbek baılaıtyn tesiginen ótkizip, qolyn tosqan áıelderge «tyshtyma» dep, úlestirip beredi. Jańa besikke olar baıǵazylaryn beredi. Ákelingen besikke kórip otyrǵandar baǵa berip, besik ákelýshilerge kıit beriledi. Qudaǵılar bilezik pen júzikterin bir-birine syılaıdy. Besik jyry ánderi aıtylyp, bı bılenip, kóńil kóteredi.

---