InfoHub Logo

Qazaqstanda joǵary oqý ornyna túsý úshin bilim granttary ıegerleriniń tizimi buqaralyq aqparat quraldarynda 12 tamyzǵa deıin jarıalanady. Bundaı sheshimdi búgin Astanada Bilim granttaryn bólý jónindegi respýblıkalyq konkýrstyq komısıanyń músheleri qabyldady.

QR Bilim jáne ǵylym mınıstri Erlan Saǵadıevtiń sózine qaraǵanda, bıyl 31 702 grant bólindi, onyń ishinde 2 950 oryn joǵary oqý oryndarynyń daıyndyq bólimderinde oqýǵa, 28 752 grant 1 kýrsqa qabyldaýǵa qarastyryldy.

Atap aıtqanda, aǵymdaǵy jyly memlekettik tapsyrysty qalyptastyrý eldiń áleýmettik-ekonomıkalyq damý basymdyqtaryna negizdeldi. Osy oraıda atalǵan basymdyqtardy eskere otyryp, 12 593 grant tehnıkalyq jáne tehnologıalyq mamandyqtarǵa eskerilgen. Sonymen qatar, 5 000 grant - pedagogıkalyq, 2 690 grant  - aýyl sharýashylyǵy men veterınarıa mamandyqtaryna, 3 000 grant  - medısınalyq salaǵa mamandyqtarǵa bólinip otyr.

Mınıstrlik málimetinshe, konkýrstyq negizde memlekettik tapsyrys beriletin JOO-lar tizimi aıqyndaldy. Elimizdiń 112 azamattyq joǵary oqý oryndary arasynda  oqý granttary 87 JOO-ǵa bólindi.

«Aǵymdyq jylǵy oqý granttaryn alý konkýrsyna 59 677 adam qatysýda, olardyń ishinde 47 342-si - qazaq tilinde bilim alýǵa (80 paıyzǵa jýyǵy), 12 335 talapker orys tilinde oqýǵa tapsyrdy», - dedi mınıstr.

E. Saǵadıev «Máńgilik el jastary - ındýstrıaǵa!» jobasy aıasyndaǵy kvota boıynsha ótkizilgen konkýrsqa 9 797 adam qatysyp otyrǵandyǵyn jetkizdi.

---