InfoHub Logo

Qazaqstan halyqaralyq kelisimder aıasynda segiz eldiń azamattaryna 100-den astam oqý grantyn bólýdi josparlap otyr. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR BǴM Joǵary jáne joǵary oqý ornynan keıingi bilim departamentiniń dırektory mindetin atqarýshy Gúlzat Kóbenova málim etti.

«Halyqaralyq kelisimderge sáıkes, bıyl birqatar elderdiń azamattaryn Qazaqstannyń joǵary oqý oryndaryna qabyldaý júrgiziledi. Osy rette Tájikstannan 90-nan astam, Qyrǵyzstan - 4 adam, Qytaı - 20 adam, Mońǵolıa - 1 adam, Ýkraına - 1 adam, Belarýs - 3 adam, Mysyr - 1 adam, sondaı-aq Aýǵanstannan 46 adam qamtylmaq. Qazaqstandaǵy JOO-larda oqý granttary boıynsha barlyq atalǵan úmitkerler sanattarynyń oqýy balamaly negizde halyqaralyq kelisimderde qarastyrylǵan», - dedi ol.

Onyń sózine qaraǵanda, aǵymdaǵy jyly Qazaqstan men Tájikstan úkimetteri arasynda tıisti qujatqa qol qoıylyp, oǵan sáıkes, 2017 jyldan bastap kórshiles eldiń azamattary bastapqyda daıyndyq bóliminde oqymaı, birden JOO-da birinshi kýrstan bastap bilim alýǵa úmitti bolady. Jyl saıyn Tájikstan azamattary úshin 100 oryn bólinedi. Bıyl daıyndyq bólimderin támamdaǵan osy eldiń 93 azamatynyń ishinen talapkerlerge arnalǵan keshendi testileýge 77 adam qatysty. Sonymen qatar Tájikstan bilim mınıstrliginen 20 adam qabyldaý týraly ótinim kelip túsken. Osy arqyly, 2016 jyly 97 adamdy qabyldaý josparlanyp otyr.

 

---