InfoHub Logo

2016 jyldan bastap alǵash ret ret kolej túlekteri Qazaqstan JOO-laryna túsýge oqý granttaryn bólý kezinde basymdyqqa ıe bolady. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR BǴM Joǵary jáne joǵary oqý ornynan keıingi bilim departamentiniń dırektory mindetin atqarýshy Gúlzat Kóbenova málim etti.

«2016 jyldan bastap alǵash ret biliktiligin rastaǵan jáne mamandyǵy boıynsha bir jyldan kem emes eńbek ótili bar kolej túlekteri barlyq mamandyqtar turǵysynda aıryqsha quqyqqa ıe», - dedi ol.

Budan buryn habarlanǵandaı, bıyl 31 702 grant bólindi,onyń ishinde 2 950 oryn joǵary oqý oryndarynyń daıyndyq bólimderinde oqýǵa, 28 752 grant 1 kýrsqa qabyldaýǵa qarastyryldy.

Jalpy, konkýrsqa İ, İİ top múgedektigi bar 363 adam, Qazaqstan Respýblıkasynyń azamattyǵy joq qazaq ulty ókilderinen qamtylǵan 1 053 adam, sondaı-aq 492 ata-anasynyń qamqorlyǵynan aıyrylǵan balalar men jetim balalar qatysýda. Bul adamdarǵa kvotalar belgilengen.

«QR azamaty emes qazaq ulty ókilderi úshin joǵary oqý oryndaryna qabyldaýdyń kvotasy bekitilgen memlekettik tapsyrys kóleminen 2 paıyz mólsherinde belgilendi. Sáıkesinshe, qazaq dıasporasy ókilderi belgilengen kvota sheginde qatysa alady», - dedi G. Kóbenova.

Qazaqstanda joǵary oqý ornyna túsý úshin bilim granttary ıegerleriniń tizimi buqaralyq aqparat quraldarynda 12 tamyzǵa deıin jarıalanady dep kútilýde.

---