InfoHub Logo

Búgin Úkimet otyrysynan keıin QR Bilim jáne ǵylym mınıstri Ashat Aımaǵambetov mektepte oqýshylardyń synyp edenin jýýy bastamasyna qatysty pikir bildirdi.

«Eń aldymen mundaı másele Bilim jáne ǵylym mınıstrliginiń kún tártbinde turǵan joq. Ekinshiden, búgingi kúni el aýqymynda júzege asyrylmaıdy. Úshinshiden, mektep búdjetinde tıisti qarajat pen ákimshilik-tehnıkalyq qyzmetker shtaty qarastyrylǵan. Tórtinshiden, mundaı jumystarǵa oqýshylardyń bastamasymen jáne ata-analardyń kelisimimen ǵana ruqsat etiledi», - dedi mınıstr BAQ ókilderine.

Onyń atap ótýinshe, Qazaqstanda májbúrli jumysqa tıisti organdar ǵana tarta alady.

«Árıne, eńbekke baýlý mekteptegi oqý-tárbıe jumysynyń óte mańyzdy bóligi ekendigi sózsiz. Mektep te, otbasy da eńbekke baýlýy tıis. Sondyqtan mundaı jumys júrgiziledi jáne mektepterde túrli sharalar arqyly júzege asyrylady. Osy sharalar arqyly ǵana birden eńbekke degen súıispenshilik oıatýǵa bolady dep oılaý jón emes. Degenmen, bul da mańyzdy másele», - dedi ol.

Ashat Aımaǵambetovtiń atap ótýinshe, ata-analar úılerinde balalaryna ydys-aıaq, eden jýǵyzý, úı jınaý syndy jumystarǵa aralastyryp otyrýy qajet.

«Bul balalardy kishkentaı kezinen tárbıeleýdiń qarapaıym ǵana dúnıesi. Tolyqtaı alǵanda, óte durys másele kóterilip otyr dep esepteımiz. Degenmen, ony naýqanshyldyqqa aınaldyryp jibermeý kerek. Bul rette ata-analar men balalardyń bastamasy bolýy tıis», - dedi ol.

---