InfoHub Logo

Áleýmettik jelide mektep oqýlyqtary jaıly daý kóp. Buǵan deıin de bolǵan, bola da bermek. Bıylǵy oqý jyly da mundaı talas-tartystan kende bolmady. Bıylǵy shý 5-synypqa arnalǵan matematıka tóńireginen shyqty. Bul joly oqý quralynyń avtorlary plagıatshylar dep aıyptaldy. Teksere kelgende bul «jańalyq» ta shyndyqqa janaspaıtyn bolyp shyqty, dep habarlaıdy QR Bilim jáne ǵylym mınıstrliginiń baspasóz qyzmeti.

«Olga Býtko atty jeli qoldanýshysy óziniń Facebook-akkaýntynda kitaptaǵy №15 esep «ınternetten kóshirilgen» dep jazdy. «Tipti sandardy da ózgertpegen!» - dep ashýlanady avtor. Akkaýnt ıesiniń aıtýynsha, oqýlyqty qurastyrýshylar bireýdiń eńbegin paıdalanǵanymen qoımaı, qalamaqy da alyp otyr. Avtordyń atyna aıtylǵan bul synnyń jany bar sekildi bolyp kórinedi», delingen habarlamada.

Vedomstvo jaýabyndaǵy málimetterge súıensek, Býtkonyń jazbasynda oqýlyqtyń beti men atalǵan eseptiń skrınshoty berilgen. Ol 2015 jyly ınternet resrýstardyń birinde jarıalanǵan da. Alaıda, avtor asyǵys pikir bildirgen. №15 esep 2015 jyly basylǵan matematıka oqýlyǵynan alynǵany ras. (ol esep kitaptyń 9 betinde №23 esep dep berilgeni beınelengen). Al T. Aldamuratova - sol matematıka ǵana emes, qazirgi jańarǵan matematıkanyń da avtory. Iaǵnı kitap avtory retinde óziniń eń sátti jumysyn qaıta basylǵan kitapta paıdalanýǵa tolyq quqy bar.

Sondaı-aq, jaýap jazbada T. Aldamuratovanyń besinshi synypqa arnalǵan matematıka oqýlyǵy alǵash ret 2001 jyly basylǵan. Oqý quraly 4 ret qaıta basylǵany, 2017 jylǵy basylym kezinde oqýlyq mazmuny jańartylǵan baǵdarlamaǵa saı ózgertilgeni aıtylady. Sondyqtan da esep esh ózgermesten jańa oqý quralyna engen eken.

Olga Býtkonyń postyn myna jerden kórýge bolady.

---