InfoHub Logo

Mektep... Shákirt... Ustaz... Osy úsh uǵym bir arnaǵa toǵysqandaı. Bir qalamnyń basy men ushy sıaqty egiz uǵymdardy toǵystyrǵan meniń bilim alyp shyqqan mektebim búginde eńseli bilim ordasyna aınalyp otyr. Óser el birinshi kezekte urpaǵyn oılaıdy. «Kıeli qara shańyraqtan túlep ushqan jas túlektiń biri – men. Osy kúnge deıingi qol jetkizegen jetistikterim, árıne ustazdarymnyń arqasy. Árbir shákirtiniń janyn túsine biletin mektep ustazdaryna alǵysym sheksiz» - dep tebirenedi búgingi Stýdent. Sol sebepti óz mektebim jaıynda biraz málimetter berýdi jón kórdim. Ótken 2019 jyly 9 qarashada Eltaı aýyldyq okrýgindegi Bereke aýylynda Másimhan Beısebaev atyndaǵy orta mekteptiń 100 jyldyǵy keńinen atalyp ótti. Men 11 jyl boıy bilim alyp shyqqan Másimhan Beısebaev atyndaǵy orta  mekteptiń mereıtoıyna arnalǵan saltanatty merekege mektep  ujymy,  ardager ustazdar, ár jylǵy mektep túlekteri jáne de aýyl turǵyndary kelgen bolatyn. Men bilim nárimen sýsyndatqan mektebimniń tarıhy týraly qysqasha tanystyrǵym keledi.

1919 jyldyń kókteminde Almaty oblysynyń jınalysynda aýyl azamattary Baıtumanov Qoıgeldi  men Sandyqbaev Súıinshiniń usynysy boıynsha  eki eldi mekende bastaýysh mektepter ashý týraly qaýly  qabyldanǵan. Onyń biri – Shılikemirde bolsa, (kezinde Ostashkıno dep atalǵan), ekinshisi №5 aýylda (qazirgi  Eltaı aýyly)  mektepter ashylǵan desedi jergilikti turǵyndar. 1919 jyly qazan aıynan bastap birinshi synypqa oqýshylar qabyldaý bastalǵan. Al resmı túrde 1919 jyldyń 1 qazan  kúni mekteptiń ashylý kúni bolyp esepteledi. «Sol kezde mektepke arnalǵan ǵımarat bolmaǵandyqtan, Sálipbaı Nazarov degen azamattyń úıiniń úsh bólmesi mektep synyptary esebinde paıdalanylǵan» - deıdi aýyl aqsaqaldary. Mektep 1919 jyldan 1936 jyldarǵa deıin - bastaýysh, 1937 jyldan 1957 jylǵa deıin - 7 jyldyq, al tek 1957 jyldan ǵana orta bilim berýge baǵyt alǵan. Qazirgi tańda bul mekteptiń 140 ustaz-muǵalimderi 1700 oqýshyǵa  bilim berý jolynda aıanbaı eńbek egýde. Mekteptiń kóptegen túlekteri respýblıkaǵa tanymal azamattar. Atap aıtsaq: M. Beısebaev - Qazaq SSR Mınıstrler Keńesinin Tóraǵasy, B. Áshimova - QR halyq ártisi, B. Ibraıym - fılologıa ǵylymynyń doktory jáne t.b. elimizge belgili tulǵalar

Jınalǵan qaýym aldynda aýdandyq bilim bóliminiń basshysy Jarqyn Nurǵalymov, aýdandyq ardagerler keńesiniń tóraǵasy Edige Júnisbekov, Eltaı aýyldyq okrýgi ardagerler keńesiniń tóraǵasy Kalıda Qosshyǵulov, mekteptiń ashylýynyń basynda turǵan Qoıgeldi Baıtumanovtyń qyzy Marfýǵa apaı, Másimhan Beısebaevtyń balasy Qaırat Beısebaev, mektep túlekteri – fılologıa ǵylymdarynyń doktory, profesor Beken Ybyraıym, tuńǵysh altyn medal ıegeri Raýshan Toqseıitova, kásipker  Rasýl Mahmýdov t.b. sóz sóılep, izgi tilekterin bildirdi. Mektep oqýshylary án aıtyp, kúı tartyp, bı bılep óz ónerlerin kórsetti. Saltanatty shara sońynda mektep foıesinde memleket jáne qoǵam qaıratkeri Másimhan Beısebaevtyń músini (búst) ashyldy. Mereıtoı baǵdarlamasy aıasynda sport jarystary, kókpar uıymdastyryldy. Men úshin M.Beısebaev mektebiniń 100 jyldyǵy este qalarlyqtaı dárejede, tanymdyq, ǵıbraty mol estelikterimen este qaldy. Ásirese, jas qrpaqqa tárbıelik máni zor sharaǵa aýyl halqy belsene qatysty. Adam bilip týmaıdy, oqyp-jazyp saýaty ashylady. Men búkil respýblıkamyzǵa belgili oqý ordasy, altyn bilim uıamyz Másimhan Beısebaev mektebiniń shákirti retinde bizge bilim atty sarqylmas baılyq berip jatqanyn maqtan tutamyn!

Ý.M.Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti
D.A.Kesık Ál-Farabı atyndaǵy QazUÝ-niń geografıa jáne tabıǵatty paıdalaný fakúltetiniń 1 kýrs stýdenti

---