InfoHub Logo

Nur-Sultan qalalyq bilim basqarmasynyń basshysy Sholpan Qadyrova oqýshylardyń oqý jetistikteri qalaı baǵalanatynyn túsindirdi.

«Qashyqtan oqytý kezindegi mańyzdy máseleniń biri — oqýshylardyń oqý jetistikterin baǵalaý. Ózderińiz biletindeı, baǵalaý bilimdegi olqylyqtardy anyqtap, oqýshylardyń oqýǵa degen yntasyn arttyrady. Sondaı-aq, muǵalim men oqýshy sabaqtaǵy jetistikterin jaqsartý úshin qosymsha is-sharalar josparyn birlesip jasaı alady. Bıylǵy oqý jylyndaǵy karantın jaǵdaıynda 2-11 synyp oqýshylarynyń oqý jetistikteri qalyptastyrýshy baǵalaý arqyly anyqtalyp, bal qoıylady. Al 1-synypta baǵalaý júrgizilmeıdi. Qalyptastyrýshy baǵalaý oqýshylardyń jetistikterin baqylaý jáne sabaqta saralanǵan jumysty odan ári qurý úshin júrgiziletinin taǵy da eske salǵym keledi», — dedi ol.

Basqarma basshysy birinshi toqsan aıaqtalýǵa jaqyn qalǵanyn atap ótti.

«Osyǵan baılanysty, oqýshylardy oqylǵan bólim úshin jıyntyq baǵalaý 5 qazannan bastaldy, al toqsan úshin baǵalaý 28 qazannan bastalady. Baǵalanatyn ár pán boıynsha — 1 bólim boıynsha jıyntyq baǵalaý jáne 1 toqsan boıynsha jıyntyq baǵalaý júrgiziledi. Oqýshylardyń oqý jetistikterin baǵalaý júrgiziletin pánder mekteptiń oqý jumys josparyna sáıkes aıqyndalady. Sonymen qatar, jıyntyq baǵalaý kelesi oqý pánderi boıynsha ótkizilmeıdi: «Ózin-ózi taný», «Kórkem eńbek», «Mýzyka», «Dene shynyqtyrý», «kásipkerlik jáne bıznes negizderi», «Grafıka jáne jobalaý», «Qoǵam jáne din», «Bastapqy áskerı jáne tehnologıalyq daıyndyq» jáne «Bastaýysh synyptarǵa arnalǵan ınformatıka». Atap ótetin jaǵdaı, medısınalyq kórsetkishter boıynsha erekshe bilim qajettiligi bar úıde oqıtyn balalar úshin muǵalim oqý júktemesi men oqyǵan oqý materıalyn eskere otyryp, jeke tapsyrma ázirleıdi», — dedi Sholpan Qadyrova.

Onyń aıtýynsha, toqsandyq qortyndy baǵa — qalyptastyrýshy baǵalaý, bólim boıynsha baǵalaý jáne toqsan boıynsha baǵalaý nátıjeleri negizinde, ıaǵnı oqýshylardyń toqsan ishindegi oqý jetistikterin baǵalaý kezinde eskerilip, baldar qoıylady.

Jıyntyq baǵalaýdyń qorytyndylary oqýshylarǵa, ata-analarǵa qaǵaz nemese elektrondyq formatta beriledi. Qalyptastyrýshy baǵalaý kezinde muǵalim kún saıyn jýrnalda oqýshylardyń oqý jetistikteriniń progresin Kúndelik elektrondy jýrnalynda ornalastyrylǵan esepke sáıkes bal túrinde tirkep otyrady.

Qalyptastyrýshy baǵalaý úshin eń joǵary bal 10 baldan aspaıdy. Bul rette 1-3 bal tómen deńgeı ólshemderine sáıkes keledi (10% — dan 30% — ǵa deıin). Osyndaı baǵalaý oqýshy bul jaǵdaıda qatelikter jiberip, muǵalimmen keri baılanys týraly qorytyndy jasamaıdy, tapsyrmalardy óz betinshe oryndaı almaǵan jaǵdaıda qoıylady.

Al 4-7 bal aralyǵy — orta deńgeı ólshemderine sáıkes keledi (40%-dan 70% — ǵa deıin). Bul baǵalaý oqýshy qandaı da bir qatelikter jiberýi múmkin, tapsyrmalardy keıde óz betinshe oryndaýǵa qıyndyqtar týyndaǵanda qoıylady. 8-10 bal — joǵary deńgeı (80% — dan 100% — ǵa deıin).

Bul jaǵdaıda oqýshy tapsyrmalardy oryndaý kezinde shamaly dálsizdikter jasaýy múmkin, óz betinshe tapsyrmalardy oryndaı alady, túsindire alady, jáne jaýaptaryn negizdeı alady.

«Osylaısha, toqsandyq baǵalaý — qalyptastyrýshy baǵalaýdyń ortasha baly, bólim boıynsha jáne toqsan boıynsha jıyntyq baǵalaýdyń nátıjeleri negizinde tıisinshe 25, 25 jáne 50 paıyzdyq araqatynasta qoıylady. Osyǵan baılanysty oqýshylardyń ata-analary tarapynan oqytý nátıjelerin baǵalaýdyń obektıvtiligi boıynsha birneshe suraqtar kelip túskenin atap ótkim keledi. Sondyqtan, osy sıaqty máseleler týyndaǵan jaǵdaıda, toqsan úshin jıyntyq baǵalaý qoıylǵanǵa deıin bir kúnnen keshiktirmeı moderasıa júrgiziletinin esterińizge salamyn», — dedi basqarma basshysy.

---