InfoHub Logo

Ár bala úshin óz úıinde, ata-anasynyń qushaǵynda ómir súrý-úlken baqyt. Ananyń aıaly alaqany, ákeniń aıtqan aqylyna bul jalǵanda eshteńe de teń kelmes. Alaıda anasynyń aıaly alaqanyn sezbegen, ákesiniń aıtqan aqylyn tyńdaý baqyty buıyrmaǵan balalar bizdiń elimizde de ósip kele jatyr! Al qoǵamymyzda bul baqytqa qoly jetpegen jetimder úıiniń túlekteri ómirde óz ornyn taba alady ma eken? 

Jalpy alǵashqy jetimder úıi 1918 jyly boı kótergen, biraq qansha jyl ótkenimen biz bul jetimder úıin jaba alar emespiz! 

Halyqaralyq bala quqyǵyn qorǵaý kúni Qazaqstan Respýblıkasynyń Bilim jáne ǵylym mınıstri Ashat Aımaǵambetov elimizde jalpy neshe jetimder úıi boı kóterip turǵanyn aıtty.

Mınıstr 2020 jylǵy statısıkaǵa sáıkes, Qazaqstanda 4 193 bala jetimder úıin mekendep, kún kórip jatqanyn jarıalady. On jyl buryn jetimder úıinde 14 052 bala bolsa, qazir olardyń sany 4193 bala. Al, balalar úıiniń jelisi 210-nan 101-ge deıin qysqarǵan. Bul 2010-2020-jyl aralyqtaryna tán kórsetkish.  

Alaıda, 2021-jylǵy statısıkaǵa baılanysty, jetimder úıine jylyna 493 bala qosylypty.  

«Jetimin jylatpaǵan», «jetim kórse jebeı júretin» halqymyz úshin bul kórsetkish tym kóp.  

Ata-ana mindeti balany baqytqa bóleý.  

Árıne, jetimder úıi balaǵa qanshalyqty meıirimdilik tanytqanymen, ata-ana ornyn basa almaıdy. Olar ne ishsem, ne kısem dep ómir súrgen joq. Biraq meıli jetim bolsyn, meıli tolyqqandy otbasyda ómir súrsin-olardyń memleket tarapynan qorǵalý, qamtamasyz etilý quqyǵy bar!
Qorytyndylaı kelgende, ár bala baqytty ómir súrýge laıyqty! Qandaı qıyndyqta ómir súrse de, óz otbasynda ómir súrgen ol úshin qymbat. Jetimdi jetim demeı, qamqorlyqqa alý-ár adamnyń paryzy.

Esengeldıeva Arýjan Jangeldiqyzy

---