InfoHub Logo

Birde ákem Súleımen Birjan týraly onyń daýsy men ánshiligi týraly áńgimelep otyrdy.

— Áke siz Birjandy bilesiz be? — dedim.

— E, nege bilmeıin, kórdim de, birinshi kórýim bylaı boldy, — dedi. — Qanjyǵaly eli men Kereı arasynda qudalyq bolyp, sonda meni balýan kúresine shyǵardy. Ol jaqtyń balýany túıe balýan eken, alǵyzbady. Bir sáti abroıy bolyp jambasqa alyp soǵyp jiberip, ústine shyqqanymda, yzalanyp ústinen bosatpaı qushaqtap turǵyzbady. Biz súıtip arpalysyp jatqanymyzda, bir adam toptan shyǵyp, ashshy daýyspen:

— İsmaıylshy! Ysmaıyl! Áı seni tapqan shesheńnen aınalaıyn! — dep jetip kelip, meni balýannyń ústinen julyp aldy. Men ony tanymaı, sózine túsinbeı, artynan bul kim edi, dep ákem Qulakeńnen suraǵanymda, ol Birjan sal, dedi. Sonda ol kisi: — biz Aqsary-Qursary Ysmaıyldan taraımyz, sony uran qylǵan ǵoı, — dedi.

Ákesi Súleımen Quleke balasynan estýi boıynsha áńgimeleýshi Qańtarbaıuly Kópen

---