InfoHub Logo

Dáriger-akýsher tolǵaqty anyqtap qana qoımaı, tolǵaqty áıeldiń jalpy jaǵdaıyn únemi baqylap otyrýy qajet jáne ýaqtyly járdem berip otyrýy tıis.

Tolǵaqty durys baqylaý úshin tómendegi máselelerdi anyqtap alý kerek:

— áıeldiń jasy, neshinshi týýy;

— tolǵaq bastalǵan ba;

— eger tolǵaq bolsa, ol qaı kezeńde;

— qaǵanaǵy jarylǵan ba;

— náresteniń qalpy qalaı;

— náreste tiri me, ómirine qaýip joq pa;

— júktiliktiń merzimi qansha;

— náresteniń  jaıǵasýy durys ıa;

— jambas súıeginiń ólshemi qandaı;

— náresteniń salmaq shamasy qandaı;

-   aldyńǵy bosanýy qalaı bolǵan, akýsherlik anamnezi aýyrlaǵan emes pe.

Árıne, bul nárselerdiń bárin anyqtap, durys baǵa berý úshin tolǵaqty áıeldiń qajetti málimetterdi alǵannan keıin, áıeldi syrttaı jáne ishteı (qynap arqyly) muqıat» tekserip, kórý kerek.

Áıelder bosanar ýaqytty anyqtaý

Negizinde júktiliktiń merzimin sońǵy etekkirge qaraı esepteıdi. Etekkirdiń bolǵan kúninen keri qaraı úsh aı eseptep, oǵan 7 kún qossa, áıeldiń bosanar ýaqyty shyǵady. Mysaly, 15/V  bolsa, bosanar ýaqyty  22/İİ. Áıeldiń bosanar ýaqytynyń kelgeni myna belgiler boıynsha  anyqtalady.

1. Júktiliktiń sońǵy 1-2 aptasynda jatyr deńgeıi tómen túsip, áıeldiń demalýy edáýir jedildegendeı;

2. Tumsa áıelde balanyń basy kishi jambas qýysyna kire beriske tirelip tursa; ekinshi kótergen áıelde sońǵy 2-3 aptaǵa  deıin balanyń  basy joǵaryda bolady da, sońǵy aptalarynda tómen túsip, jambasqa tireledi;

3. Sońǵy aptada jatyr moıny týýǵa daıyn bolady (pisedi);

Pisken jatyr moınynyń erekshelikteri:

— jatyr moıny qysqa 1-1,5 sm;

— ótkizgish baǵytqa ornalasqan  (jambas qýsynyń ortasynda);

— óte jumsarǵan;

— moıyn qýysyna 1 nemese 2 saýsaq ońaı enedi.

4. Qynapty jatyr moınynyń kilegeıli jabysqaq bóligi kórinedi (jatyr moınynyń tyǵyny ashylady);

5. Sońǵy kúnder júkti áıeldiń ishi, beli tómenge tartyp aýyrady.  Biraq bul tolǵaq emes, tolǵaqtyń belgisi.

Eger ishtiń nemese beldiń aýyrýy belgili bir ýaqyt aralyǵynda qaıtalanyp jatsa, bul — tolǵaq. Tolǵatqan áıeldi — tolǵaqtaǵy áıel dep  ataımyz. Joǵaryda biz pisken jatyr moınynyń erekshelikterin atyp óttik, endi pisken jatyr moınynyń erekshelikteri:

— ótkizgish baǵyttan bólek segizkóz nemese sımfızge jaqyn ornalasqan;

— qysqarmaǵan (2-3  sm);

— jumsarmaǵan;

— moınynyń qýysyna saýsaq kirmeıdi (jabyq). Týǵan áıelderde bir saýsaq qana ótýi múmkin.

---