InfoHub Logo

Bul kúıdi ertede «Alataý asqan boz tarlan» dep te shertken eken babalarymyz, — deıdi Baǵanaly aqsaqal. Tulǵasy kesek janýar bir top jylqymen birge joǵalady. Jyl ýaǵyna deıin izdeý salynyp, tabylmaǵan aıǵyrdy «qoldy boldyǵa» joryp qoıady. Sonymen jyl ýaǵynan asqanda el jaılaýǵa qonyp jaıǵasqan kúnderdiń birinde, bıeniń eki saýymynan keıin alystan bir boz jylqy quıyndatyp kele jatady. Jeli basynan kóz tikken jylqy ıesi: «Ia, pirim-aý! Mynaý ne jylqy boldy eken? Tulǵasy tym kesek qoı», — dep tamashalap turady. Sóıts álgi kózden ǵaıyp, kóńilden umyt bola bastaǵan Bozaıǵyr bolyp shyǵady. Bozaıǵyr kisinep kep, jer tartyp jeli basyna kóldeneń tura qalady. Jal-quıryqtan aırylǵan, kók sholaq bolyp ózgergen. Basynda noqtanyń jurnaǵy ǵana qalǵan. Kózinen qandy jas parlaıdy janýardyń. «Qurýlaǵan» ıesi de jylap kórisedi.

 

---