InfoHub Logo

Báıdibek aýylda joqta qyrǵyz Aqqoshqar bastaǵan jaýlar onyń jylqysyn alyp ketedi. Masattanǵan jaýlar Domalaq ananyń qonysynan sýsyn ishken soń, qaıyr-sadaqa retinde shapqan maldan bir jylqy qalaýyn ótinedi.

Sonda Nurıla belbeýin aqjal sary aıǵyrdyń moınyna salypty deıdi. Janýar sheshemizdiń belbeýin salǵanda tyrp etpeı turyp qalypty da, jetekke júripti. Biraz ýaqyt ótken soń Báıdibektiń Sarybáıbisheden týǵan alty uly salyp uryp jetti deıdi. Olar Domalaq anany kórip:

— Áı, toqal, bizdiń jylqyny qýǵan jaý qalaı qaraı ketti? — desedi at ústinen.

— Shyraqtarym, attan túsińder. Jylqynyń túp qazyǵy bizde, ózi-aq keledi. Sońynan qýyp áýre bolmaı-aq qoıyńdar. Qur beker mert bolasyńdar, — deıdi Nurıla. Jigitter:

— Oı, osynyń ózi dushpan, aıtyp turǵan sózin qarashy, — dep alty ul aldy-artyna qaramaı attanypty. Áýdem ýaqyttan soń Báıdibektiń ózi kelipti salyp uryp:

— Jaý qaıda ketti? Domalaq ana:

— Baıeke, jaýdy qýyp áýre bolmańyz. Malyńyz búgin tańnan qalmaı ózi keledi. Alty ulyń meniń tilimdi almaı ketti. Bekerge mert bolatyn boldy. Anamyz aıtqandaı, tań ata bere jer silkingendeı dúrsil estiledi. Baılaýly turǵan aq jal sary aıǵyr kisinep jiberedi. Qarasa barlyq jylqy túp-túgel qaıtqan eken. Maldyń qazyǵy aq jal sary aıǵyr turǵan jerge jylqy balasy qaıtyp oralǵan. Al Sarybáıbisheniń alty uly jer jastanǵan.

---