InfoHub Logo

Qoramjan bir kempirdiń jalǵyz balasy eken. Qoramjannyń «Tepeńkók» degen júırik aty bar eken. Qoramjan alystaǵy bir elden qyz aıttyryp, soǵan uryn baryp, qalyńdyq oınap jatady. Túnde sol Qoramjan jatqan aýyldyń jylqysyna jaý tıip, attandaǵan aıǵaı estiledi. Qoramjan da attandy estip ornynan turmaq bolǵanda, qasyndaǵy qalyńdyǵy «shappa, qýma» dep qolqa qylady. Qoramjan bolmaı qarýyn alyp, Tepeńkókke minip, aıǵaı shyqqan jaqqa qaraı jóneıdi. Aldyńǵy qýǵynshylardy qýyp jetedi. Biraq uzap ketken jaý qarasy kórinbeıdi. Tepeńkók búıiri qyzbaı, eti terlemeı jaqsy shappaıdy eken. Qoramjan atymnyń búıiri qyzyp tez shapsyn, jaýǵa tez jeteıin dep eki qap qum teńdep alyp, jaýdy qýyp ketedi. Tepeńkók terleı bastaǵanda, qaptaǵy qumdy tóge bastaıdy. Sóıtip, búıiri qyzǵan Tepeńkókpen quıyndatyp, uzap ketken jaýǵa Qoramjan sátte jetip keledi. Ony kórgen jaý batyry jarda buǵyp otyryp Qoramjandy atyp túsiredi. Qoramjan oqqa ushyp óledi. Osyny kúıshiler «Qoramjannyń sheshesiniń joqtaýy», jas oń jaqta qalǵan «qalyńdyǵynyń joqtaýy», «Tepeńkóktiń shabysy» dep, dombyraǵa tartady.
Muny «Qoramjan kúıi» deıdi.

 

---