InfoHub Logo

Búgingi juldyz jýrnaly túrli bólimderden turady. Baspasóz betinde ár bólimge saı jarıalanatyn maqalalar jıyntyǵy quralǵan. Máselen: Jas tolqyn, Túrik dúnnıesi, Syrsandyq, Sóz sáýlesi, Proza, Poezıa bólimderi. Poezıa bóliminde   kezinde qazaq poezıasyna qubylys bolyp kelgen kórnekti aqyndar jaıynda, óleń-shýmaqtary men sol mánisinde maqalalar jarıalanady. Jýrnaldyń alǵashqy redaktory qazaqtyń birtýar aqyny Sáken Seıfýllın bolǵandyqtan sapaly ári mazmundy basylym deńgeıine kóterildi dep nyq aıta alamyz. Sonaý bastaýynan-aq basylym betinde qazaq ádebıetiniń klasıkteri B.Maılın, İ.Jansúgirov, M.Áýezov, S.Muqanov kóp eńbek sińirgen. Al qazirgi Juldyzdyń mazmuny da, dızaıny da jańasha ózgerip, rýhanı jańǵyra túsken. Juldyz jýrnalynyń eń bir erekshe tusyn aıtyp ótsem,  bul jýrnal-eń alǵashqylardyń biri bolyp latyn qaripine kóshýdi bastaǵan basylym beti. Meniń “ Juldyz” jýrnalyn sholý barysynan túıgenim basylym betine bos sóz, qısynsyz, mazmunsyz jazylǵan maqalalarǵa jol joq ekendigi. Baspasóz beti tek qana mán-maǵynasy aýqymdy, aýyz toltyryp qozǵarlyqtaı máselelerge toly. Juldyz jýrnalyna 93 jyl tolǵaly otyr, osy merzim aralyǵynda sonaý “Jańa ádebıet” degen ataýynan bastap oqyrmandaryn tanymdyq materıaldarymen qashan da qýantyp keledi. Mundaǵy maqalalardy oqı otyryp jan-jaqtylyqqa jáne bilimge qushtarlyǵyń ashylady.. Máselen jýrnaldyń “Bilim” atty bólimindegi “Úsh tuǵyrly til” atty maqalasyn oqyp, sol oımen tolyqtaı qosyldym. Iaǵnı búgingi tańnyń balalaryna aǵylshyn tilin bastaýysh emes tipti balabaqsha jasynan bastap úıretýdi jón sanaıdy. Men bul oımen tolyqtaı qosylamyn, sebebi Aǵylshyn tilin erte oqyǵan  oqýshy  tildi emin-erkin qoldanyp, qarym-qatynas jasaı alýdy meńgeretin bolady dep oılaımyn. Jáne aıtar oıym erte jastan aǵylshyn tilin oqytý oqýshylardyń kommýnıkatıvti damý biliktiligin arttyrady, oǵan degen qyzyǵýshylyǵyn oıatýǵa múmkindik beredi, birden kóp tilde sóıleýge qushtarlyǵy ashylady dep oılaımyn. Kelesi kezekten kózime ottaı basylyp oqýǵa qushtar bolǵan maqala ózimizdiń QazUÝ-ymnyń dekany Saǵatbek Medeýbekulynyń “Syrsandyq” bóliminde jarıalaǵan “AQYN TİLİN ADAQTAǴAN SÓZDİK” atty maqalasy boldy. Maqala Saǵatbek aǵamyzdyq abıtýrıent atanýynan bastaý alady. Al jalpy mazmuny— Muqaǵalıdyń eń bolmasa bir óleńin jatqa bilmegeni úshin uıalyp, janyn jegen Saǵatbek aǵamyz týraly.Abıtýrıent  bolý sátinen bastap Muqaǵalı óleńderine mahabbatynyń ashylýy boldy. Bul maqaladaǵy aǵamyzdyń “Muqaǵalıdy bilmeý – Abaıdy bilmegenmen birdeı namys” degen sózimen tolyqtaı qosylamyn. Sebebi Muqaǵalıdiń óleńderi janyńdy yntyqtyrar jyr, júregińniń sonaý tórinen oryn alar qudyret dep aıta alamyn. Basylym beti ataýy aıtyp turǵandaı jyr juldyzy Muqaǵalı týraly kóptegen maǵlumat jazady eken. Oǵan taǵy bir dálel Nurlan Sársenbaevtyń maqalasy. Bul maqala mazmuny  qazaq tarıhyndaǵy eń oqyrmany kóp, qalyń halyq basty janashyry bolǵan jyr sýretkeri bolǵan Muqaǵalı qudyreti týraly jetkizedi.“ Muqaǵalıdaı uly tulǵanyń qyry men syryn shynaıy tanýmyz úshin izdenis jáne áli de zertteý qajet”,- degen oıymen qosylamyn. Juldyz jýrnalynyń 2020 jyldyń qazan aıyndaǵy 10 sany uly Abaıdyń “ Ótkinshi kóp ómir ketken ótip” atty óleńimen jáne on jetinshi hám on segizinshi qara sózderimen ashylǵan. Jýrnaldyń árbir sanyn  oqı otyryp naǵyz jyr juldyzdary týraly jazylǵan keremetteı maqalalar oqyryp, oqyp qana qoımaı sanaǵa biraz nárse toqyp, jan dúnıeńizdi baıytar qazyna tabatyndyǵyńyzǵa kámil senimdimin!

Búrkitbaeva Aqbala Amangeldiqyzy

---