InfoHub Logo

Tehastyń bir mektebinde bir kúnde 4 úzilis berilip, tájirıbe júrgizilgen eken. Muǵalimder men ata-analar nátıjesiniń tańǵalarlyq ekenin aıtypty.

Tájirıbeniń tarıhymen tanysa otyryp, mundaı tásildiń zańdy ekenin baıqadyq.

Tehas shtatynyń Fort-Ýert qalasyndaǵy bastaýysh mektepte tájirıbe júrgizildi. Bala-baqshadaǵylarǵa jáne birinshi synyp oqýshylaryna tańerteń jáne keshke on bes mınýtqa sozylatyn eki úzilis beriledi. Bul kezde balalar dalada oınaýlary kerek bolady. Bastapqyda muǵalimder ýaqyttarynyń zaıa ketip jatqanyna qynjylady, sonymen qatar olar barlyq oqý baǵdarlamasyn úıretip úlgermeýi múmkin ekenin oılaıdy. Alaıda tájirıbe júrgizilgen 5 aıdan keıin, muǵalimder balalardyń sabaqty tez meńgere bastaǵandaryn baıqaǵan, sebebi demalystan keıin olar sabaqty den qoıyp tyńdaı bastaǵan.

Bastaýysh synyptyń muǵalimi Donna MakBraıd ta bastapqyda qatty ýaıymdaǵan, biraq keıin balalardyń zeıini artqanyn, muǵalimdi tyńdaıtynyn jáne óz betinshe oqýǵa, esep shyǵarýǵa kiriskenderin baıqaǵan.

Amerıkalyq pedıatrıa akademıasynda mundaı úzilisterdi «bala damýynyń basty bólshegi» dep ataıdy. Eresek adam da kúni boıy jumys ústelinde otyra berse jınaqtalyp, sapaly jumys isteı almaı qalady. Sondyqtan balaǵa demalýǵa jáne oınap kelýge múmkindik bermeı, kúni boıy tapjylmaı otyrýdy, sabaq oqýdy talap etý – kúlkili.

«Men mundaı úzilisterdi «qaıta júkteý» dep ataımyn. Osynyń arqasynda balalarǵa ózin kórsetýge múmkindik týady» - dep esepteıdi profesor Debbı Rea. Ol mektepte fızıkalyq belsendilik ýaqytyn kóbeıtý kerek dep burynnan dabyl qaǵyp júrgenderdiń qatarynan.

Balalardyń ata-analary da oń ózgeristi baıqaǵan. Keıbiri balalarynyń táýelsiz jáne kópshil bola bastaǵanyn ańǵarǵan. Sebebi synypta otyra bergennen góri, oıyn alańynda dos tabý áldeqaıda jeńil emes pe?

Kishigirim, biraq jıi demalystan keıin balalar ónimdi oqı bastaıdy. Kúni boıy synypqa qamalǵan balanyń birdeńege qumarlyǵy tez basylady. Qazirde balalarǵa kólemdi oqý materıaldaryn meńgerýge týra keledi, jáne bul turǵyda olarǵa oıyn alańy men jaı ǵana bala bolyp júrý kómektesedi.

---