InfoHub Logo

Ismet.kz sıfrlyq platformasynyń aıasynda shaǵyn jáne orta kásipkerlik úshin qolaıly jaǵdaı jasalmaq. Atap aıtar bolsaq, kásipkerler men tutynýshylar bir-birimen baılanysa alady ári bıznes ókilderiniń jumysyn jeńildetiledi. Barshamyz biletindeı, bızneske arnalǵan ortalyqtandyrylǵan alań elimizde joqtyń qasy. Al bul platformada qyzmetterdiń bári bir resýrsta ornalastyrylǵan. Iaǵnı, kásipkerler ýaqyttaryn únemdep, sapaly qyzmetpen qamtylady. Taýarlaryn jarnamalap, seriktes taýyp, óz isterin júrgize alady.  

«Qazaqtelekom» AQ bıznes-sheshimder jáne ınfokommýnıkasıa departamentiniń dırektory Qýat Sandalovtyń sózinshe, sıfrlyq platformanyń basty tapsyrmasy — bul ekojúıelerdi qurý. Budan soń shaǵyn jáne orta kásipkerlik úshin ashyq sıfrlyq dıalog ornaıdy.

Ismet.kz-tiń negizgi ereksheligi — bıznes qaýymdastyq úshin úlken dıalog ornata alýy. Nátıjesinde, jańa naryq kózderi ashylyp, saýda aıasy keńı túsetin bolady. Al qyzmetterine keler bolsaq, elektrondyq saýda, zań qyzmetteri, onlaın qujat aınalymy, keden prosedýralary, kadrlyq saýaldar, sýbsıdıalaý, nesıeleý, aýdıt, bultty býhgalterlik esep pen aparattyq kasalyq esep jáne t.b.

Ashyq sıfrly platforma bıznesti tolyqtaı josparlaýǵa, ony taldap zertteýge kómek beredi. Bir sózben aıtar bolsaq, kásipker úshin taptyrmas bıznes-keńesshi ári myqty sarapshy. Sol taldaýdyń arqasynda kez kelgen kásipker problemalardy aldyn ala bilip, onymen kúrese alady. Bul degenimiz, shyǵyndardy boldyrmaıdy, ósimdi arttyrady. Taǵy bir artyqshylyǵyna keletin bolsaq, eldegi elektrondyq qyzmet pen elektrondy saýdanyń damýyna yqpal etedi. Elektrondy memlekettik qyzmet damıdy. Bastysy — shaǵyn jáne orta kásipkerlerdiń sany artyp, olardyń isi órkendeıdi. Bunyń nátıjesi — ekonomıkalyq jáne áleýmettik ósim arqyly kórinis tabady.
Ismet.kz jańadan kásip bastaýshylar úshin óz isin qalaı ashýǵa bolatyndyǵy, bıznestiń qandaı túrimen aınalysýǵa bolatyny jáne naryqtaǵy shaǵyn jáne orta bıznestegi kásipkerlerdiń suranysy men usynysy qandaı ekeni týraly aqparat bere alady. Platformanyń basty erekshelikterine memlekettik

Qazirgi tańda atalǵan platformaǵa 1700-den astam kompanıa tirkelgen. Olar elimizdiń túkpir-túrpirinen jınalǵan kásiporyndar. Solardyń eń irilerine toqtalar bolsaq, alǵashqy orynda 44,5 paıyzben Almaty oblysy tur. Odan keıin 13,4 paıyzben Aqmola oblysy atalǵan platformada boı kórsetýde. Al 11,5 paıyzdy Túrkistan oblysynyń bıznesmenderi alyp otyr. 

---