InfoHub Logo

Densaýlyǵy ǵalamnyń – densaýlyǵy adamnyń

Oqýshylarǵa salaýatty ómir saltyn nasıhattaı otyryp, zıandy ádetterden saqtandyryp, sportpen shuǵyldanýdyń paıdasyn túsindirý arqyly symbattylyqqa, uqyptylyqqa, eptilikke, shapshańdyqqa, tazalyqqa, eńbeksúıgishtikke tárbıeleý maqsatynda Almaty qalasyndaǵy №180 jalpy bilim beretin mekteptiń 5 «A» synyp oqýshylaryna «Densaýlyǵy ǵalamnyń – densaýlyǵy adamnyń» taqyrybynda ashyq synyp saǵaty joǵary dárejede ótkizildi.

Densaýlyq – zor baılyq. Osy zor baılyqty qadirleý, kútip ustaý, tazalyq saqtaý, jeke bas gıgıenasy, durys tamaqtaný, salaýatty ómir saltyn ustaný, dene shynyqtyrý jónindegi máseleler qamtylǵan ashyq synyp saǵatynda oqýshylar qundy málimetter jınap, ózara toptar arasynda pikir almasty. Fast-fýd ónimderi men gazdalǵan, energetıkalyq sýsyndardyń adam densaýlyǵyna zıandy jaqtary aıtyldy.

Deni saý urpaq – ult bolashaǵy. Elimizdiń erteńgi tutqasyn ustaıtyn jas urpaq búginnen densaýlyq máselesine jiti kóńil aýdarsa, keleshegimiz jarqyn bolary sózsiz. Densaýlyǵy nashar adamnyń kóńil-kúıi bolmaıdy, eshqandaı jumysqa jaramsyz bolady, tabys taýyp qoǵamǵa paıdasyn tıgizbeıtini týraly oqýshylar óz oılaryn jarysa jetkizdi. Qazirden densaýlyqtyń zor baılyq ekenin uǵynyp ósken jastar, erteń elimizdiń keleshegin oılaıtyn sanaly, salaýatty ómir saltyn ustanatyn myqty, jigerli azamaty bolyp qalyptasady.

Oqýshylar, qarapaıym ǵana qoldy durystap jýý, tis tazalaý, dene jattyǵýlaryn jasaý, shash kútimi, qunarly taǵamdardy jeý – densaýlyq kútýdiń bir salasy ekendigin uǵyndy. Sonymen qatar synypta sporttyq seksıalarǵa qatysatyn balalar da shymyr bolyp ósýdiń qupıalarymen bólisti. Olar kúndelikti tańerteń júgirý, tabıǵatta serýendeý de densaýlyqqa jaqsy áser etetinin aıtyp ótti. Sonymen qatar kompúterlik oıyndar men uıaly telefon, planshetterdegi túrli oıyndar kózdiń nasharlaýyna ákelip soǵatynyn, dene qımylyn azaıtyp, densaýlyqqa keri áser etetinin de birneshe mysaldar arqyly oqýshylar óz oılaryn erkin jetkize bildi.

«Aýyryp em izdegenshe, aýyrmaıtyn jol izde», «Jalqaýlyq – jaman aýrý», «Tazalyq – saýlyq negizi, saýlyq – baılyq negizi», t.b. densaýlyqqa baılanysty maqal-mátelderdiń maǵynasyn ashyp, oǵan qatysty óz pikirlerimen bólisti.

Qoryta kelgende, jasóspirimder densaýlyqtyń basty baılyq ekendigin uǵynyp, zıandy ádetterge jolamaı, salaýatty ómir saltyn ustanýdyń mańyzdylyǵyn sezindi. Táýelsiz el tiregi – deni saý, sanaly urpaq ekenine kóz jetkizgen oqýshylar elimizdiń erteńgi qamyn oılaıtyn, myqty, qaısar da qaıratty bolyp ósetinine senimim mol.

 

Almaty qalasy Alataý aýdany

№180 jalpy bilim beretin mekteptiń

5 «A» synyp jetekshisi Torybaeva Gýljahan Aýeshanqyzy

---