InfoHub Logo

Musylmannyń mindetteriniń biri — dos aqysyna mán berý. Sondyqtan únemi salıh jáne jaqsy adamdarmen dostyq qurý kerek. Óıtkeni jaman dos óte zıandy. Barlyq jamandyqtardyń basy jaman dos bolyp tabylady. Jaman dos dúnıede de, ahırette de baqytsyzdyqqa ushyraýǵa sebepshi. Baqytsyzdyqqa tap bolmaý úshin dos tańdaýda muqıat bolý kerek. Adamnyń dini dosynyń dinindeı, adamnyń baqyty jáne páleketi de dostyq qurǵan adamǵa baılanysty. Dos tańdaýda mynandaı mańyzdy qasıetterge kóńil bólý kerek:

1) Imandy jáne aqyldy,

2) Jaqsy minezdi,

3) Jaman isterge qol urmaıtyn,

4) Ótirik aıtpaıtyn,

5) Sarań bolmaýy kerek.

Úsh túrli dos bar. Birinshisi; taǵam sıaqty, ol ár qashan qajet. Ekinshisi; dári-dármek sıaqty, oǵan keıde muqtajdyq seziledi. Úshinshisi: aýrý sıaqty, adam ony qalamasa da oǵan jarmasady.

Shynaıy dos - taǵam sıaqty, árqashan oǵan muqtaj bolasyń. Bul adal, salıh jáne paıdaly dostar. Osyndaı adamdarmen dostasýǵa tyrmysý, izdep tabý kerek. Hazreti Álı (radıallahý anh): «Jaqsy dosy bolmaǵan adam oń qoly joq adamdaı» dep aıtqan.

Adamnyń ómirindegi eń jaqsy jetistikteriniń biri, adal jáne senimdi adamdarmen dos bolýy. Adal dos bitpeıtin, taýsylmaıtyn qazyna ispettes. Senimdi dos ómirde kezdesetin ártúrli jaǵdaılar men qıynshylyqtarda kómekshi bolady. Dos aqysyn saqtaý óte mańyzdy mindet. Dosyńa mal-múlikpen jáne múmkin bolǵansha ártúrli jaǵdaılarmen kómektesý kerek. Dostyń syryn saqtap, kemshilikterin jasyrý qajet. Oǵan qıyn jumystardy tapsyrmaǵan jón. Qınalǵan kezinde oǵan kómektesip, kóńil-kúıin kóterýge tyrysý kerek.

---