InfoHub Logo

Máýlana Jalaleddın Rýmı (qýddısa sırrýh) hazrettiń Másnáýı kitabynan:

Óte tákappar, baı bir kisi esiginiń aldyna kelgen bir kedeıge eshteńe bermegenimen qosa, ony jábirlep, muqatyp esikti tars jabady. Baıǵus kedeı bir shetke otyryp jylaı bastaıdy. Daýysyn estigen sol mańdaǵy kózi soqyr kisi qasyna jaqyndap nege jylap otyrǵanyn suraıdy. Kedeı bolǵan oqıǵany aıtyp beredi. Soqyr kisi kedeıge úıine qonaq bolýyn, ózine serik bolyp birge tamaqtanýyn ótinedi. Kedeı qysylyp qajeti joq degenimen álgi soqyr kisiniń qoımaı shaqyrýymen kelisip úıine keledi.

Úıine kelgen qonaqty kór kisi jaqsylap kútip, áńgime quryp, qarnyn toıdyryp shyǵaryp salady. Kedeı kisiniń oǵan razy bolǵandyǵy sonshalyq, shyn yqylaspen oǵan: «Sen maǵan esigińdi, kóńilińdi ashtyń, Rabbym seniń kózińdi ashsyn» dep duǵa etedi. Sol sátte soqyr kisiniń kózderinen jas tamshylap artynsha kózderi ashylyp kóre bastaıdy. Bul soqyr kisiniń kózderi qalaı ashylǵandyǵy jaıly habar tez arada qala ishine taraıdy. Bul habardy estigen burynǵy tas júrekti baı kisi ras-ótirigin anyqtaý maqsatynda soqyr kisige kelip, kóziniń kóretinin baıqaıdy. «Óziń jolyń bolǵysh adam ekensiń, kóziń qalaı ashyldy?» dep suraıdy. Ol: «Sen óziń qandaı adamsyń, esigińe kelgen baqyt qusyn ushyrdyń, esigińdi tars jaýyp qýyp shyqqan adamyń, meniń kózimniń esigin ashty» deıdi. Baı: «Qap áttegen-aı, obalym joq meniń» dep istegen isine ókinip, barmaǵyn tistep qalypty.

---