InfoHub Logo

Keshe bir qarıadan estigen áńgimem maǵan qatty áser etti. Sony ózderińizben bóliskim kelip otyr. Qazirgi Qarataýdyń etegindegi búgingi Abaı-Babaı aýyly mańynda bolǵan oqıǵa eken. Bir baıdyń myńǵyrǵan maly, eki tóbeti bolypty. Eki tóbeti aımaqtyń basqa ıtterin qan qaqsatyp, búkil ıt ataýlyda teń keler sabalaq tabylmapty. Ekeýiniń myqty degen aty shyǵyp, eldiń aýzynda ańyzǵa aınalypty.

Sol tóbetterdiń birin baı úıine kelgen boıda tórde ilýli turǵan myltyqty ala salyp atyp tastaıdy. Ekinshisin de atqaly turǵanda áıeli men bala-shaǵasy jabylyp2 tóbetti attyrmaı aman alyp qalady. Sondaǵy baıdyń ashýyna tıgen oqıǵa bylaı bolypty.

Sol kúni baı bir qyrdyń basynda qoılaryn baǵyp, alystan qarap tursa, álgi qyrdyń astynan bir shań shyǵady. Sol-aq eken sońyna ilesip júrgen eki tóbeti baıdyń atynyń baýyryna kirip qyńsylap jata qalady. Baıqap qarasa, jańaǵy shańnyń artynda, bir kókjal qasqyr bularǵa tike bettep, qarsy shaýyp keledi eken. Sodan eki tóbet yǵyp tyǵylyp qalady. Biraq kókjal qasqyr baıdyń qasynan jan ushyra óte shyǵady. Sóıtse artynda ony janalqymǵa alyp, bir dúrek (tazy men tóbetten týǵan) tazy qýyp keledi eken. Al álgi baıdyń eki tóbeti sol qasqyrdan qorqyp, kiretin in tappaı, at saýyryna tyǵylǵanymen, artynda qýyp kele jatqan dúrekti jabylyp talaı bastaıdy. Qasqyr qutylyp ol ketedi. Al dúrek sol jerde eki tóbetti sheńgeldiń tyrnaǵynda qalyp, azýly tóbetter eki aıaǵyn shaınap, qan josa qylyp óltiredi. Baıdyń arashasyna da pysqyrmaıdy. Sodan ashýlanyp baı eki tóbetti atyp tastamaqshy bolǵan eken.

Ár zamanda, ár elde dúrekteı jigitter týady. Oǵan qosa ony talaıyn tóbetter de qosa týady-mys.

---