InfoHub Logo

Abaı dástúrin jalǵastyrýshy, aqyn Shákárim atamyz óziniń «Musylmandyq sharty» dep atalatyn eńbeginde bylaı deıdi: «Aýrý bolsa, oqyǵan-bilgen dárigerge qaralyp, Allahtan shıpa surasyn. Baqsy, balger týraly paıǵambarymyzdyń hadısi mynaý: «Kimde kim bir nárseni haram qylsa, ıakı haram qyldyrsa, ıakı bal ashsa, sıqyr qylsa, ıakı sıqyr qyldyrsa, olar meniń úmmetim emes. Jáne bireý bir baqsyǵa bal ashqyzyp, sonyń aıtqanyna nansa, anyq kúpirlikke urynǵany, Quranǵa nanbaǵany úshin» degen. Qumalaq salǵan, jaýyryn jaqqan, bir nárseni aram qylǵan — bári solardyń joldasy. Bárinen de aýlaq bolý kerek. Osyndaı adamdy jaman úıretip, ne bolsa sony ádeıi qylǵyzyp, beıne bir sondaıdy bilim qasıet shyǵatyndaı kórip turady. Tastyń úńgirin, jalǵyz aǵashty áýlıe dep, mal túnetip, álem (shúberek) baılamaq — bári osyndaı jaman is. Eger de sondaı daǵy qylǵan bir nárseni qoıǵanda, bir qazaǵa ushyrasań da odan dep oılama. Zınhar saqtan, bir Allahý ta’aladan Ózinen basqadan paıda da, zıan da joq. Ne bolsa da Allahtyń pármenimen bolady. Ondaı nárselerde túk qasıet joq. Biraq oqyp-bilgen dárigerge emdetý obal (qate) emes.

Paıǵambarymyz : «Eı, Allahtyń quldary, aýrýlaryńyzdy emdetińizder. Allahý ta’ala daýsyz eshbir naýqas jaratqan joq, jalǵyz kárilik pen ajaldan basqa», — degen. Biraq dáriger de anyq jazady demeısiń, Allahý ta’aladan shıpasyn kez qylar ma eken dep úmit qylasyń. Oqyǵan dárigerlik jaman emes, biraq bizdiń aıtqanymyz baqsy-qushynash emes, sony jaqsy uǵynyńyz».

---