InfoHub Logo

Órkókirektikte basqa kemshilikterdiń jaqsy qasıeti joq - ol jasyryn bola almaıdy.

Frensıs Bekon

Bizdiń qaı bulaqqa jatatynymyzdy oılanýǵa ıtermeleıtin qysqa támsil:

Bes-alty jasar bala ormanda ata-anasymen serýendep júrip taza bulaqty kórip qalady. Ol taza sýdy iship alǵan soń, qyzyq úshin, qolyna butaq alyp, bulaqty laılaýǵa kirisedi. Bulaqtyń túbi jer bolǵandyqtan, betine laı, qulaǵan japyraqtar men túrli qoqys shyǵa bastaıdy. Bir kezderi móldir bolǵan sý ishýge jaramaı qalady. Balaqaıǵa bulaqtyń kir sýyna qaraý unamaı qalady. Ol butaǵyn sýǵa tastap, anasyna qaraı júgire ketedi.

Al taý basynda taǵy bir bala taý bulaǵymen oınaıdy. Ol da sýdy butaqpen laılamaq bolady. Biraq bulaq túbi tasty bolady, ol bul isinen túk shyqpaǵandyqtan butaqty syndyryp, ári qaraı júgire ketedi. Aǵyndy sý burynǵydaı tap-taza kúıinde turady.

Keıbir adamdar taza bulaq sıaqty syrtynan meıirimdi, elgezek kórinedi. Biraq abaısyzda ony renjitip alsań, janynyń túbinen menmendik, usaqtyq, órkókirektik pen eski renishteri orman bulaǵyndaǵy baldyrlar men qoqystar sıaqty betine qalqyp shyǵatynyn kórýge bolady.

---