Elordalyq kolejderde 6 jańa mamandyq ashylady
Ónerkásip, baılanys jáne komýnıkasıalar, servıs jáne qyzmet kórsetý, medısına jáne bilim salalarynda kadrlardyń jetispeýshiligine baılanysty kelesi jyldan bastap kolejderde alty jańa mamandyq ashylady («Avtomobıl kólikterine tehnıkalyq qyzmet kórsetý, jóndeý jáne paıdalaný» mamandyǵy boıynsha mehatronık», «Kópirler jáne kólik tonnelderi», «Elektr stansıalarynyń jáne jelilerdiń qural-jabdyqtary», «Ónerkásiptegi elektr-mehanıkalyq qural-jabdyqtar», «Medısınalyq tehnıkany montajdaý, tehnıkalyq qyzmet kórsetý jáne jóndeý», «Kitaphana isi»), dep Astana qalasy ákimdiginiń baspasóz qyzmeti habarlaıdy.
Astana qalasy Bilim basqarmasynyń habarlaýynsha, osynyń aldyndaǵy jylmen salystyrǵanda suranysqa ıe tehnıkalyq mamandyqtarǵa memlekettik bilim granty 10 paıyzǵa artty. Ústimizdegi jyly jergilikti búdjetten qarjylandyrylatyn 4025 oryn bólindi. Salystyrý úshin: 2015 jyly memlekettik tapsyrys boıynsha 3636 stýdent bilim alǵan.
Sondaı-aq, elordada qazir jumys istep turǵan tórt resýrstyq ortalyqqa taǵy jańa úsh resýrstyq ortalyq qosylady: 1) «Ingrı Qazaqstan» JSHS-imen birlesip turǵyn úı-kommýnaldyq sharýashylyq, ónerkásiptik jáne azamattyq qurylys, kotejdik jáne az qabatty qurylys salalarynda mamandar daıyndaý boıynsha; 2) «Tehno Nıkol» - qurylys ınovasıalary» JSHS birlesip ónerkásiptik edenderdiń qurylys tehnologıasy, beton jóndeý jáne qural-jabdyqtardyń gıdrooqshaýlaý boıynsha; 3) «Lokomotıv qurastyrý zaýyty» AQ-ymen birlesip tokarlyq is jáne metal óńdeý boıynsha. Budan ózge, «Sofı-Dent» stomatologıalyq emhanasymen birlesip medısınalyq jáne farmasevtıkalyq bilimi bar kadrlardyń biliktiligin arttyrý boıynsha oqý ortalyǵy ashylady.
Pedagogtar jetispeýshiligi máselesin sheshý úshin Eýrazıalyq gýmanıtarlyq ınstıtýttyń (EAGI) negizinde «Mektepke deıingi tárbıe jáne oqý» mamandyǵy boıynsha syrttaı oqý fakúltetinde bir top (25 adam) ashyldy.
You Might Also Like
-
17 qarasha - Halyqaralyq stýdentter kúni. Kúntizbede belgilengen osy bir merekeniń shyǵý tarıhy aıtarlyqtaı qyzyqty da emes. Ol - qandy, ári qaıǵyly oqıǵaǵa baılanysty paıda bolǵanyn ekiniń biri bile...
-
2015 jyl elimizdegi mańyzdy oqıǵalardyń jylyna aınalǵany belgili. Ótken qoı jyly Qazaq handyǵynyń 550, Qazaqstan halqy Assambleıasynyń 20, Uly Jeńistiń 70, klasık aqynymyz Abaıdyń 170 jyldyǵy merek...
