InfoHub Logo

«Bir qyzymnan bir qyzym soraqy» degendeı bir oqýlyǵymyzdan bir oqýlyǵymyz soraqy bolyp barady. Ótken jyly ǵana Qambar batyrdy «alqash» etken BǴM bıyl 5 synyp oqýshylaryna sol Qambar batyrdyń «jolyna» qalaı túsý kerektigin úıretip jatqan sekildi.

Árıne, batyrlyq jolyna, erlik izderine qalaı túsý kerektigin úıretse jaman tymaǵymyzdy aspanǵa laqtyryp qýanar edik, soraqysy sol bul joly da oqýlyq qurastyrýshylar Qambar batyrdyń ózderi somdap bergen beınesine elikteıtin, sol «alqashtyq jolǵa» bastaıtyn ádisti úıretken eken. Aıtpaqshy bul jolǵysynda 5-synyp oqýshylaryna, ásirese qyzdarymyzǵa jigitterdi qalaı masaıtyp, qalaı «syndyryp» ketýdi de úıretipti.

Senbeseńiz oqyp kórińiz, 5-synypqa arnalǵan ádebıet oqýlyǵynda aıdan anyq jazylǵan.

Oqýlyq óńdelip, qaıta basylǵan eken. Árıne, elimizdiń bolashaǵyna, Elbasy senim artqan el erteńine bilim beretin oqýlyqty Bilim jáne Ǵylym mınıstrligi usynǵany aıtpasa da túsinikti jaǵdaı.

 

"Atamura" baspasynda jaryq kórgen oqýlyqtyń uldarymyzdy araqqa, qyzdarymyzdy tósekke úıretýi bizdiń qoǵamdy oılandyrmaıtyn da sekildi. Ásirese urpaq tárbıesine jaýapty ata-ana men BǴM bul máselede kózjumbaılyq tanytyp, «gúl bolmasań búl bol» dep otyrǵany anyq. Áıtpese baıaǵydan beri shyǵaryp kele jatqan oqylyqta jylda bir emes, birneshe olqylyq jiberetindeı ne bastaryna kún týyp júrgenin túsine almadyq.

Bul oqýlyq 10-11 synyptarǵa arnalǵan bolsa, eshqandaı áńgime bolmas edi. Ókinishtisi de, soraqylyǵy da sol bul oqýlyq 5-synypqa arnalǵan. Aýyzdarynan ana súti keppegen búldirshinderimizdi nemen aýyzdandyryp jatqanymyzdy bilgenimiz abzal!

Derekkóz: baq.kz

---