InfoHub Logo

Kópshilik ata-ana balanyń aqyl-oıyn damytatyn jáne fızıkalyq turǵyda jetildiretin oıynshyqtar satyp alýǵa qomaqty qarajat jumsaýdan aıanbaıdy. Alaıda, orta dáýletti adamdar baılardyń óz balalarynyń oıynshyqtaryna qandaı qarajat jumsaıtynyn elestete almaıdy.

Astolat qýyrshaq qamaly — $ 8,5 mln

Astolat qýyrshaq qamaly 1974-1987 jyldar aralyǵynda Eleın Dıl atty Koloradalyq mınıatúrıstiń jobasymen jasalǵan. Resmı túrde 8,5 mln dollarǵa baǵalandy. Qamalda 7 deńgeı, 29 bólme bar. Qamaldyń mystan jasalǵan shatyry jáne aǵash qabyrǵalary bar. Keı qabyrǵalar toppen kórý úshin ashylýy, sondaı-aq alynýy múmkin. Qamalda kúndizge jáne túnge arnalǵan jaryqtandyrý júıesi bar. Ol ýaqytqa baılanysty avtomatty túrde ózgerip otyrady.

L'Oiseleur («qusbegi») — $ 6,25 mln

L'Oiseleur — fransýz tilinde «qusbegi» degen maǵynany beredi. Onyń boıy — 120 sm. Qaıta órleý dáýiriniń kóılegin kıgen «qusbegi» fleıtada oınaı alady. Qolynda semseri bar, al ıyǵynda ózi baptaıtyn qusy otyr. Olar qanattaryn qaǵyp, tipti, án aıta alady.

Madame Alexander-diń Eloız qýyrshaǵy — $ 5 mln

2000 jyly Madame Alexander kompanıasy dızaınerler men álemge aty tanymal modelerlermen birlese otyryp qoldan erekshe bes Barbı jasady. Olar óz shedevrine Eloız degen at berdi. Qazir barlyq bes Eloız qýyrshaǵy jeke koleksıalarda. Olar úshin 9 karattyq brıllıanttan jasalǵan áshekeıdi Garrı Vınstonnyń ózi usynsa, tondy La Renta sheberleri tikken.

Lamborghini avtomobıliniń modeli — $ 4,6 mln

Bul — nemis ınjeneri Robert Gýlpen jasaǵan Lamborghini Aventador LP 700-4 avtomobıliniń dál kóshirmesi. Álemdegi eń qymbat avtokólik modeli kómirtekti talshyqtan jasalyp, syrty taza altynnyń juqa qabatymen qaptalǵan. Shanaqtyń qalǵan bóligi 25 kg qymbat metaldan turady jáne 500 kılogramdyq 22 karattyq altynnyń bóligi paıdalanylǵan.

Shımanskıdan fýtbol doby — $ 2,59 mln

Fýtboldan tórt jylda bir ret ótkiziletin álem birinshiliginiń qurmetine Ońtústik Afrıka zergeri Iaır Shımanskı 2010 jyly eski klasıkalyq úlgidegi fýtbol dobynyń tolyq ólshemdi brıllıant kóshirmesin jasady. Doptyń salmaǵy 2 kılogramm shamasynda. Ol 2 mln 600 myń dollarǵa baǵalandy. Zergerlik shedevr jasaý úshin sheberge jalpy salmaǵy 3500 karat 6620 aq jáne 2640 qara ońtústik afrıkalyq brıllıant qajet bolǵan.

Steiff-ten Teddı qonjyǵy — $2,1 mln

Álemdegi eń qymbatqa baǵalanǵan Teddı qonjyǵyn 2000 jyly Steiff nemis kompanıasy jasap shyǵardy. XX ǵasyrdyń basynda osy kompanıa jer sharyndaǵy alǵashqy oıynshyq qonjyqty tikti degen boljam bar. Álemge aty tanymal Louis Vuitton brendiniń dızaınerleri daıyndaǵan qonjyq eń qymbat dep baǵalandy.

Golden Monopoly — $ 2 mln

Eń qymbat «Monopolıanyń» baǵasy — 2 mln dollar. Ony San-Fransıskolyq zerger Sıdnı Mobel jasaǵan. Oıyn alańy 23 altyn kartamen bezendirilgen, al alańdaǵy 42 oryn brıllıanttan jasalǵan.

Rýbık tekshesi  — $ 1,5 mln

Bul — rýbın men zúbárjatpen bezendirilgen 18 karattyq altynnan jasalǵan eń qymbat Rýbık tekshesi . Jalpy satylym sany boıynsha, oıynshyqtar arasynda Rýbık tekshesi kósh bastap tur. Búkil álem boıynsha shamamen 450 mln Rýbık tekshesi teksheleriniń túp nusqasy men balama nusqasy satylǵan.

Terbeletin altyn jylqy — $ 600 myń

Ginza Tanaka zergerlik úıi Japonıa hanzadasy Akısınonyń otbasynda dúnıege kelgen uldyń qurmetine oraı qurylysyna 30 kılogramm altyn jumsalǵan terbeletin jylqy jasady. Alaıda, oıynshyq oınaýǵa yńǵaıly emes. Jylqy kishkentaı bala úshin tym aýyr, sol sebepti ony bir orynnan ekinshi orynǵa jyljytý úshin úlkenderdiń kómegi qajet.  

Stefano Canturi Barbie nemese Diamond Barbie —  $302 500

2010 jyly belgili dızaıner Stefano Kantýrı bir ǵana nusqada Barbı jasap shyǵardy. Osydan soń ol kolleksıonerler men oqýshy qyzdardyń armanyna aınaldy. Birinshi Barbıge qaraǵanda keıingi sulýdyń qoly men aıaqtary búgiledi. Ári adamdarǵa tán ártúrli qalyptarǵa ene alady.

---