Qazaqstan 2021-2022 oqý jylynda 12 jyldyq bilim júıesine tolyq kóshedi
Qazaqstan 2021-2022 oqý jylynda 12 jyldyq bilim júıesine tolyq kóshedi. Bul jaıynda Májilis depýtattarynyń resmı saýalyna jaýap bergen burynǵy Bilim jáne ǵylym mınıstri Kúlásh Shámshıdınova aıtty.
«Respýblıkada 2016 jyldan bastap 1, 2, 3, 4, 5, 6, 7 jáne 8 synyptarda «Nazarbaev» zıatkerlik mektepteri tájirıbesine sáıkes ázirlengen orta bilim berýdiń jańartylǵan mazmuny engizildi. 2019-2020 oqý jylynda jańartylǵan bilim berý mazmunyna 4, 9 jáne 10 synyptar, al 2020-2021 oqý jylynda 11 synyp kóshetin bolady. 2021 jyly bilim berýdiń jańartylǵan mazmuny tolyqtaı engizilgennen keıin 12-jyldyq bilim berýge kezeń-kezeńimen kóshý josparlanǵan», - dep atap ótedi ol.
Onyń atap ótýinshe, 12-jyldyq bilim berýge kóshý qurylymy bastaýysh mektepterde oqý merziminiń 1 jylǵa (1-5 synyptar) ulǵaıýy, negizgi orta jáne jalpy orta bilim berý merzimderiniń saqtalýy esebinen qamtamasyz etiledi. Qazirgi ýaqytta 12 jyldyq bilim berýge kóshýdiń atalǵan qurylymy Qazaqstandaǵy bilim men ǵylymdy damytý memlekettik baǵdarlamasynyń jobasyna engizilgen.
«12-jyldyq bilim berýdi engizý 2021-2022 oqý jylyna josparlanyp otyr. Qazaqstandaǵy bilim men ǵylymdy damytý memlekettik baǵdarlamasy bekitilgennen keıin memlekettik jalpyǵa mindetti bilim standarttary men oqý josparlaryna tıisti ózgertýler engiziledi», - dedi K.Shámshıdınova.
You Might Also Like
-
Kóne zamanda, jurt bir páterden ekinshi páterge kósherde, zattardy tasý úshin keıde jergilikti túrmeniń tutqyndaryn jaldaıtyn.
-
Birinen soń biri zymyrap, irkes-tirkes óte shyqqan sol bir-eki kún shynynda da, ózge kúnderden bólek, este qalardaı erekshe edi. Odan keıingi mynaý sýy tartylǵan darıadaı aqyryn jyljyp aǵyp jatqan jyl...
