InfoHub Logo

Keń jaıylǵan Qazaq elinde bir shaǵyn ǵana aýyl bar. Aýyl bıik taýdyń baýraıynda ornalasqan. Qys bolsa aq kórpege oranyp, Qar patshalyǵyna aınalady. Al jazda jupar gúldiń ıisi janyńdy sergitip, samal jel kók maısany terbetip jap-jasyl Ertegi álemine engendeı bolady. Ásirese, ótkinshi jaýynnan keıingi kúı keremet. Aspan kúmbezine kerilgen kempirqosaqty aıtsańshy! Qyzyl-jasyl, kózdiń jaýyn alady. Sol kempirosaqqa shyǵyp anaý aspandaǵy aqsha bulttarǵa minip, kók aspannyń kóginde saıahat jasasań shirkin! Osy tamasha aýylda bir kishkentaı qyz bala turypty. Árıne, ózi jalǵyz emes. Atasy, apasy, anasy jáne ákesi, súp-súıkimdi inisi barlyǵy birge turady. Ol qyzdyń aty – Erke qyz. Ózi sondaı súıkimdi. Kishkene ǵana qońyr kózderi kúlimdep, únemi kóńildi júredi. Shashyn anasy burym qylyp órip qoıady. Únemi etek-jeńi qazaqtyń oıý-órnegimen kómkerilgen kóılek kıip júredi. Onyń qasynan bir eli qalmaı ilesip júretin mysyǵy da bar eken. Ózi sondaı aqyldy, appaq mysyq. Erke qyz ony «Appaǵym» dep erkeletedi. Ekeýi únemi birge oınaıdy. Mysyq tipti bylaı ándete de alady.

Men mysyqpyn, mysyqpyn,

Erke qyzdan qalmaımyn 

Ózim sondaı pysyqpyn.

Kórdiń be men, qandaımyn!

Al balaqaı, eger daıyn bolsań, men saǵan Erke qyz ben mysyqtyń basynan keshken ǵajaıyp oqıǵalaryn aıtyp bereıin.

---