InfoHub Logo

QR Bilim jáne ǵylym mınıstri Erlan Saǵadıev sıfrlyq tehnologıalardy meńgere almaı jatqan mektepterdi anyqtaýdy tapsyrdy. Mınıstr dál osy máselede dırektorlar aldymen jaýap beretinin málim etti.

«Bizde BilimLand júıesine barlyq mektepter qosylǵan. Ár qala boıynsha qolymda statısıka bar dep aıta alamyn. Máselen, Pavlodar qalasyndaǵy 35-shi mektep qyrkúıek aıynyń alǵashqy kúnderi-aq 14 myń leksıa júktep alǵan. Al 5-shi mektep leksıany 283 ret qana júktegen. Aıyrmashylyqty baıqaısyz ba? Demek, bireýge bul kerek, ekinshige múlde qajeti joq», - deıdi mınıstr.

Erlan Saǵadıev endigi kezekte mamandar «Kundelik» boıynsha statısıkany salystyryp otyratynyn jetkizdi.

«Iaǵnı, budan bylaı 35-shi pen 5-shi mekteptiń úlgerimi qandaı ekenin bile alamyz. Sıfrlyq bilim resýrstary oqý materıaldarynyń bastamasynda óte yńǵaıly ekeni anyqtalyp otyr. Muǵalimder nege osyny qoldanbaıdy? Óıtkeni, bilmeıdi nemese túsinbeıdi. Sebebi, olarda vıdejobalar joq. BilimLand júıesine aqsha tólep otyryp, qalaısha ony 280 ret qana qoldanýǵa bolady. Dál sol ýaqytta, dál sol somany tólegen basqa mektep 14 myń ret qoldansa... Bul múlde biliksiz basqarý degendi bildiredi ǵoı», - dedi mınıstr.

---