InfoHub Logo

«Qarakemer kásiptik koleji» MKQK
Oryndaǵan: Temırbaeva Saıed Saǵınbaıqyzy
Toby: 13-A
Jetekshisi: Nabıeva Nazıra Kaldybekovna

Instrýktıvti-tehnologıalyq karta

Sabaqtyń taqyryby: Etti qýyrý. Etti iri kesekte qýyrý – rostbıf, dámdendirilgen et daıyndaý

Sabaqtyń maqsaty: Qýyrylǵan et taǵamdaryn, etti iri kesekte qýyrý – rostbıf, dámdendirilgen ettiń daıyndalý tehnologıasyn úıretý.  Qýyrylǵan etke usynylatyn garnır ázirlep, usynýdy úırený.

Etti iri kesekte qýyrý – rostbıf daıarlaý

№	Ónimniń ataýy	Salmaǵy	Taza salmaǵy
1	Sıyr eti  (kesindi, jýan jáne juqa shetter)	105	77
1.2	Nemese qoı, eshki eti	110	79
1.3	Nemese shoshqa eti	87	74
1.4	Nemese buzaý eti	120	79
2	Janýar maıy	2	2
3	Qýyrylǵan et salmaǵy	-	50
4	Garnır № 692, 692	-	150
5	Shyǵym :	-	200

Etti iri kesek túrinde qýyrý úshin massasy 1-2 kg jetetin etter paıdalanylady. Jaýyryn jumsaǵyn oramaǵa orap, býady. Tós etin qabyrǵa súıegimen birge qýyrady da súıegin qýyrǵan soń alyp tastaıdy. Qýyrý kezinde ettiń betinde alqyzyl qabyq tez paıda bolady.  Bul ýaqytta ettiń ishi tolyq qýyrylyp bolmaıdy. Qýyrý prosesi birqalypty júrýi úshin iri kesek etterdi qýyrý shkafynda ortasha qyzdyryp qýyrady.

Etti tuzben, buryshpen sylaıdy, et kesekterin bir-birine janaspaıtyndaı etip maıy bar qyzdyrylǵan tabaǵa salyp, ústinde qýyrma  qabyq tolyq paıda bolǵansha qýyrady. Et kesekterin janastyra salsa, maıdyń temperatýrasy bıraz tómendeıdi.  Sondyqtan qabyq uzaq ýaqyt paıda bolmaıdy jáne kóp shyryn aǵyp ketip, et shyryndy bolmaıdy. Qýyrylǵan etti qýyrý shkafyna qoıyp, 180-200⁰S temperatýrada tolyq qýyrady. Bul kezde árbir 10-15 mın saıyn aýystyryp, aǵyp shyqqan sól men maıdy quıady. Ettiń daıyn bolǵanyn onyń serpimdiliginen jáne odan bólinip shyqqan sólden anyqtaıdy. Qýyrý ýaqyty kesekter mólsherine, et túrine, qýyrý dárejesine baılanysty 40 mın-tan 1 saǵ 40 mın-qa deıin. Usynar aldynda etti talshyqtaryna kóldeneń, ár sybaǵaǵa 1-3 danadan keletindeı etip, sybaǵa kesekterine týraıdy. (Shyǵymy: 50, 75, 100g).

İri kesekti dámdendirilgen et daıarlaý

№	Ónimniń ataýy	Salmaǵy	Taza salmaǵy
1	Sıyr eti (jýan jáne jińishke shetter)	94	69
2	Maı	6	6
3	Sarymsaq	1,0	0,8
4	Erigen janýar maıy	2	2
5	Qýyrylǵan dámdendirilgen et salmaǵy	-	50
6	Garnır № 679, 689, 685	-	150
7	Shyǵym:	-	200

 

Aldyn ala sábizben, aqjelkekpen, sarymsaqpen dámdendirilgen san, arqa-bel etterinen ázirlengen iri kesekterdi tuzben, buryshpen sylaıdy. Sylanǵan kesekterdi sýyrma tabaǵa salyp, maı quıady da oshaqta qýyrma qabyq paıda bolǵansha qýyrady, ony tolyq daıyn bolǵansha qýyrý shkafynda jalǵastyrady. Qýyrý kezinde bólinip shyqqan sól men maıdy quıyp alady.  Daıar etti ár sybaǵaǵa keletindeı etip 1-2 kesekten týraıdy, az ǵana mólsherde et sólin qýyrý shkafynda jylytyp ne qyzdyryp berýge ázirleıdi.  Usynar kezde sybaǵa tabaǵyna nemese tárelkege garnır salady. Garnır retinde qaraqumyq botqasy, maıdaǵy ne tuzdyqtaǵy úrme búrshaq, qýyrylǵan ne pisken kartop paıdalanylady. Ydysqa salynǵan garnır janyna et qoıyp, ústine et sólin quıady.

---