InfoHub Logo

Marketologty, TJM jumysshysyn, áleýmettanýshyny, komýnıkasıany jasaýshyny jáne úkimettik mekemeniń qyzmetkerin ne biriktiredi dep oılaısyz? Olardyń barlyǵy da belgili bir aýdanda qansha adamnyń turyp jatqanyn bilýi kerek. Facebook jańa ónertabysyn tanystyrdy, onyń arqasynda qalypty halyq sanaǵynan bas tartyp, álemniń túkpir-túkpirindegi adamdardyń sanyn esh kúsh jumsamaı-aq bilýge bolady eken.

Mark Sýkerberg Facebook arqyly álemdi basqarǵysy keletindeı. Olaı deýge bolmaıdy desek te, ony aqparat taratýdan da artyq múmkindigi bar qural etkisi keletini belgili. Bul bolsa jasandy ıntellektke jáne ózge de áleýetti tehnologıalarǵa táýeldi. Qazirdiń ózinde zertteý kompanıalary jasap jatqan algorıtmder óziniń alǵashqy nátıjelerin berip te jatyr. Olardy durys qoldaný ǵana qalyp otyr.

Facebook komandasynyń búkil álem boıynsha tegin ınternetti qosýdy josparlap otyrǵany belgili. Joba 2016 jyldyń sońynda keıbir shalǵaı óńirlerde bastaýyn alady. Bul maqsatta kompanıa spýtnık arnalaryn jáne pılotsyz ushatyn apparattar týraly áleýettik zerttemelerin qoldanýǵa úmittenip, birneshe kelisimshart jasasyp ta qoıdy. Buǵan qajetti tehnologıalardyń biri – Connectivity Lab.

Facebook kompanıasynyń jańalyǵy halyq tyǵyzdyǵynyń kartasyn 10 metrlik dáldikpen anyqtaýǵa baǵyttalǵan. Connectivity Lab aldyn adamnyń túrin tanyp bilý úshin qoldanylǵan tehnologıany negiz retinde alyp otyr. Biraq bul joly neırondy jeli spýtnıkterden alynǵan sýretterdi óńdeý úshin qoldanylǵan. Ol ǵımarattardyń túrli keskinderin aıyryp tanýdy úırendi, sol arqyly tańqalarlyq dáldikke qol jetkizildi. Bul jumysqa Google Maps kadrlary ǵana qajet bolyp shyqyty.

Jańa tehnologıa Facebook menejmentine óz jobalaryn qaı aýdandardan bastaý jáne bul maqsatta qandaı ádisterdi qoldaný kerek ekenin sheshýge múmkindik beredi. Spýtnık provaıderlerimen qatar, kompanıanyń taǵy bir zerthanasy arnaıy qurastyryp jatqan drondardy qoldaný josparlanǵan. Mundaı kartalar túrli tabıǵat apattarynyń saldaryn joıýǵa da kómektesý úshin qajet eken.

2016 jyldyń sońynda Facebook pen Kolýmbıa ýnıversıtetiniń zertteýshileri birigý arqyly ǵalamshardyń túgeldeı sýretin óńdep shyǵýdy josparlap otyr. Osydan keıin bul kata qalaǵan adamǵa qoljetimdi bolady.

---