InfoHub Logo

«Mahabbatsyz dúnıe bos» - dep aıtyp ketken Abaı atamyz. Bul sózderde úlken tereń maǵyna jatyr. Mahabbat, súıispenshilik, meıirim bolmasa ómirdiń máni joq dep aıtýǵa bolady. Mahabbat bir ǵajap sezim ǵoı. Sol sezimderge bólenip, ómirdiń keremet kezderin basymyzdan ótkizemiz.

Mahabbat – jigit pen qyzdyń arasyndaǵy mahabbat qana emes. Ómirge degen mahabbat, ata-anaǵa degen mahabbat, dos, jora-joldasqa degen mahabbat, Otanǵa degen mahabbat, tabıǵatqa degen mahabbat.

Ár perzent ıesi dúnıe esigin aıqara ashqannan keıin, ómirge kelgennen keıin ómirdi baǵalap, ózin-ózi jaqsy kórýi ulǵaıady. Ózin-ózine degen kóz-qarasy ózgeredi. Ózin-ózi kútip, eshkim ózin qorlaýǵa jol bermeıdi.

Ómirge degen mahabbat – ómirdiń mán-maǵynasyn túsine bilý. Árbir ótkizgen ýaqytyn jaqsy bolýyn armandaıdy. Taǵdyr tálkegi bolǵan soń, qaıǵy men qýanysh birge júretindigin túsiný qajet. Ómir adamzat balasyna bir-aq ret beriletin syı. Ómirge degen sezim, qushtar basym bolý kerek dep oılaımyn.

Ata-anaǵa degen mahabbatty úlken sezimmen aıtýǵa bolady. Óıtkeni,  ata-anamyz dúnıe jaryǵyn bizge syılaýmen qatar, bizdi ósirip, jetildirip, oqytyp, tárbıeleıdi ǵoı. Ata-anaǵa zor yqylas alǵyspen bas ıemiz. Sheksiz rızamyz. Balalary er jetken kezde kóbi ata-analaryn umytyp, tastap, qarttar úıine tapsyratyndar da bar. «Ata-ana qadirin balaly bolǵanda bilersiń» degen sózder beker aıtylmaǵan. Sol sebepti ata-ana qadirin qazirden bastap uǵyný kerek.

Týǵan elge, jerge degen sezimdi sózben jetkizý múmkin emes. Nege? Óıtkeni óz týǵan úıimizden jyraqqa ketip qalsaq, kindik tamǵan aýylymyzdy saǵynamyz. «Óz úıim  óleń tósigi degen sózder eske túsedi.

Bizdiń Otanymyz – Qazaqstan eli. Qazaqstan eliniń patrıoty bolý úlken bir arman ispettes. Sol sebepti Qazaqstan elinde ómir súrip jatqan azamattar men azamatshalar óz elin, jerin, tilin, halqyn qurmettep, súıý kerek dep oılaımyn.

Uly sezim -  ǵashyqtyq sezim. Eki ǵashyqtyń bir-birine degen sezimi týraly aqyn-jazýshylar da jazyp, kitapqa basyp shyǵarǵan. Kıno áleminde de oryn alady. Biz biletin Qyz Jibek pen Tólegen, Eńlik pen Kebek, Qozy Kórpesh – Baıan Sulý, Láıli- Májnún mahabbat jyry bolyp jazylǵan. Qazirgi ýaqytta uly sezimdi baǵalaı biletinder az.  Mahabbatqa shekteý joq Biraq, árbir sezimdi baǵalaı bilý degen pikirdemin.

bastaýysh synyp muǵalimi
Isına Tazagýl Bakytovna

---