Grantqa túse almaǵan túlekterge bilim berý kredıti beriledi
Bıyl grantqa túse almaǵan túlekter qarjy jaǵynan qınalsa, bilim berý kredıtterin paıdalana alady, dep habarlaıdy BNews.kz.
2016 jyly bilim grantyna ıe bola almaǵan talapkerler oqý aqysyn tóleı almaǵan jaǵdaıda Bilim berý kredıtterin kepildendirýdiń memlekettik baǵdarlamasyna júginip, jyldyq 10%-dan bastalatyn paıyzdyq mólsherlememen 12 jylǵa deıingi merzimge QR Bilim jáne ǵylym mınıstrligi «Qarjy ortalyǵy» AQ-nyń kepildigimen nesıe resimdeı alady.
Bilim berý kredıtteri talapkerlerge de, JOO jáne kolej stýdentterine de beriledi.
Qazirgi tańda bilim berý kredıtteri Qarjy ortalyǵymen seriktes bankterde ár túrli shartpen usynylady. Baǵdarlamanyń qoldanylý aýqymy keń, seriktes bankter elimizdiń barlyq aımaǵynda jumys isteıdi. Kredıttiń berilý mehanızmi birdeı: qaryz alýshy bankke baryp keńes alady, resimdeýge qajetti qujattardy jınap, bankke tapsyrady.
Bilim berý kredıti qajettilikke qaraı ár semestr nemese jyl saıyn oqý ornynyń esepshotyna aýdarylady.
Alaıda Qarjy ortalyǵynyń kepildigimen bilim berý kredıtin alý úshin bir nemese eki qosalqy qaryz alýshy bolýy tıis. Bul jerde qosalqy qaryz alýshynyń tólem qabiletti, ıaǵnı negizgi jumys orny boıynsha alatyn tabysy eskeriledi.
Kredıttiń somasyna shekteý qoıylmaıdy, bastysy barlyq oqý kezeńi úshin oqý qunynan aspasa bolǵany.
Erekshe atap keterligi, bul baǵdarlamada jeńildikti kezeń beriledi, ıaǵnı oqý kezeńi men oqýdy bitirgennen keıin 6 aıǵa kredıtti tóleý merzimi keıinge shegeriledi. Kredıtti kez kelgen ýaqytta merziminen buryn óteýge bolady, ol úshin aıyppul sanksıalary qoldanylmaıdy.
Bilim berý kredıtterin kepildendirýdiń memlekettik baǵdarlamasy arqasynda stýdent óz kúshimen óz bolashaǵyn josparlaı alady.
You Might Also Like
-
2016 jyldan bastap alǵash ret ret kolej túlekteri Qazaqstan JOO-laryna túsýge oqý granttaryn bólý kezinde basymdyqqa ıe bolady. Bul týraly búgin Astana Bilim granttaryn bólý jónindegi respýblıkaly...
-
Jas otaýda baqyt tańy atqan kún (Jas jubaılarǵa tilek)
