InfoHub Logo

Quıqańdy shymyrlatyp, kózge eriksiz jas úıiretin jaǵdaı jaıly QR TJM resmı ókili Talǵat Ýálı habarlady.

19.02.2021 kúni Jambyl oblysy Sarysý aýdany Jańatas qalasynda kóp qabatty úıdiń 3 qabatynda órt shyǵyp, bir úıdiń bes balasy qaza tapty. Aldyn-ala derekter boıynsha otaǵasy jumysta bolyp, anasy dúkenge shyǵyp ketken. Órt saldarynan 2015, 2016, 2017 jáne 2019, 2020 jylǵy balalar gazdan ýlanyp, aýrýhanaǵa jetkizilgenimen, araǵa ýaqyt salyp búldirshinder kóz jumǵan.

Qazirgi ýaqytta oqıǵanyń sebebin anyqtaý úshin arnaıy komısıa quryldy.

Oqıǵa ornyna jaqyn jerde bolǵan jergilikti turǵyndar "sary lentamen" qorshalǵan terıtorıaǵa muńdana qarap, bas shaıqap ótisip jatyr.Bir kúnde, bir sátte, birjolata bir emes bes balapanynan aıyrylǵan ata-ananyń hali tym aýyr ekenin boljaý qıyn emes.

Eske sala ketsek, 04.02.2019 jyly Astana qalasynda 2006, 2008, 2013, 2015 jáne 2018 jyldary týǵan balalardyń qaıǵyly qazasy qoǵamda qyzý talqyǵa túsip, úlken rezonans týdyrǵan edi. Nátıjesinde elimizde birqatar saıası-áleýmettik ózgerister bolǵanyn da bilemiz.

Bul jolǵy oqıǵanyń da, basqa uqsas oqıǵalardyń da shyn mánindegi sebepteri ártúrli bolǵanymen, aıtar bir nárse: "saqtansań saqtaıdy" degen jattandy sóz bar ǵoı qazaqta. Barynsha saq ári muqıat bolý kóp qaýiptiń aldyn alatyny dáleldi qajet etpeıtin fakt. 

Meırbek Baıan Muratbekqyzy

---