InfoHub Logo

Nur-Sultan qalasynyń bas sanıtar dárigeriniń jańa qaýlysy boıynsha jańa oqý jylyndaǵy bilim berý tártibi belgilendi.

«QR Bas sanıtar dárigeriniń № 36 qaýlysy boıynsha 2021-2022 oqý jylynda barlyq menshik nysanyndaǵy jáne vedimistik baǵynystaǵy bilim berý uıymdarynda mynadaı sharttardyń saqtalýymen shtattyq formatta oqytýǵa ruqsat etilsin», — dep jazylǵan qujat mátininde.

Ol úshin:

— pedagogter men personaldyń 100% vaksınalanýy;

— pedagogterdi, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi uıymǵa kirý kezinde «Ashyq» qosymshasy arqyly (QR-kod (check-in) tirkeý;

— maska rejımin saqtaý;

— resırkýlátorlardyń, sanıtaızerlerdiń, teri antıseptıkteriniń, dezınfeksıalaý jáne jýý quraldarynyń jetkilikti sanymen qamtamasyz etý;

— úı-jaılardy jınaý jáne dezınfeksıalaý jıiligin arttyrý;

— úı-jaılardy ylǵaldy jınaý jáne dezınfeksıalaý, úı-jaılardyń aýasyn jeldetý jáne zararsyzdandyrý rejımine qoıylatyn talaptardy saqtaý;

— pedagogterdiń, personaldyń jáne bilim alýshylardyń kúndelikti «kirý» súzgisin qoldanýy;

— mádenı, tárbıe, synyptan tys sharalar men ata-analar jınalystaryn oflaın ótkizýge tyıym salý;

— mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salý;

— zerthanalyq, praktıkalyq sabaqtardy qospaǵanda, kabınettik oqytý júıesin boldyrmaý;

— bastaýysh, orta jáne joǵary synyp oqýshylaryn bólek ustaý;

— ashanadaǵy aýa resırkýlátorlarynyń qondyrǵylaryn qamtamasyz ete otyryp, tamaqtanýdy uıymdastyrý;

— bógde adamdardyń kirýine tyıym sala otyryp, COVID-19-ǵa qarsy vaksına alǵan stýdentterdi jataqhanaǵa ornalastyrý;

— oqý orny boıynsha aýmaqtyq medısınalyq uıymdardyń egý pýnktterinde COVID-19-ǵa qarsy vaksınalaýdyń tolyq kýrsyn aıaqtamaǵan stýdentterge vaksınasıa júrgizý;

— sheteldik stýdentterde turǵylyqty eldiń ýákiletti organymen rastalǵan COVID-19-ǵa qarsy vaksınasıalaýdyń tolyq kýrsy bolýy;

— QR Memlekettik shekarasynan ótkennen keıin 3 táýlikten keshiktirmeı PTR ádisimen alynǵan COVID-19-ǵa testileýdiń teris nátıjesi bar bolǵan jaǵdaıda kúndizgi oqý formatyna jiberý;

— medısınalyq kolejder men joǵary oqý oryndarynyń bilim alýshylaryna klınıkalyq bazalarǵa, rezıdentýra bazalaryna, densaýlyq saqtaý salasyndaǵy bilim berý uıymdarynyń klınıkalaryna, ýnıversıtet aýrýhanasyna, ıntegrasıalanǵan akademıalyq medısınalyq ortalyqqa vaksınasıalaý pasportymen rastalǵan COVID-19-ǵa qarsy vaksınasıalaýdyń tolyq kýrsy bar bolǵan kezde kirýine ruqsat etý;

— pedagogterge, personalǵa, ata-analarǵa (zańdy ókilderge), kelýshilerge, stýdentterge mektepke deıingi jáne orta bilim berý uıymdaryna, kolejderge, ınternattar men jataqhanalardy, ashanalar men býfetterdi qosa alǵanda joǵary oqý oryndaryna Ashyq qosymshasy arqyly kirý kerek.

«Karantın engizýge saralanǵan tásil aıasynda synypta (topta) COVID-19 aýrýynyń 1 jaǵdaıy tirkelgen kezde-synyp (top) 14 kún ishinde úı karantınine oqshaýlaýǵa jatady. Kolejderde, joǵary oqý oryndarynda toptyń 30%-dan astamynda COVID-19 tirkelgen kezde aǵyn 14 kún ishinde úı karantınine oqshaýlanýǵa jatady, — dep jazylǵan qaýlyda.

Sondaı-aq, mektepke deıingi uıymdardyń jumys kestesi menshik nysanyna qaramastan, karantındik sharalardy qatań saqtaı otyryp, jumys kúnderi saǵat 07:30-dan 18:30-ǵa deıin dep belgilendi. Al balalardy damytý ortalyqtarynyń, balalar men eresekterge arnalǵan úıirmelerdiń, bilim berý ortalyqtarynyń jumys kestesi sanıtarıalyq-profılaktıkalyq is-sharalardy saqtaý aryly jumys jáne demalys kúnderi saǵat 09:00-den 18:00-ge deıin bolyp belgilendi.

Balalar men eresekterge arnalǵan túzetý kabınetteriniń jumysy aldyn ala jazylý boıynsha, 15 adamnan artyq emes, kúsheıtilgen sanıtarıalyq-epıdemıaǵa qarsy, sanıtarıalyq-profılaktıkalyq is-sharalardy saqtaı otyryp, jumys jáne demalys kúnderi saǵat 09:00-den 18:00-ge uıymdastyraltyn boldy.

---