InfoHub Logo

Men joldamyn. S. qalasynan mingen poıyz syzǵytyp ońtústikke keledi. Terezeden qyzaryp shyǵyp kele jatqan kún. Kún qandaı qyzyl! Qandaı sulý! Biraq, poıyzdyń ishi túgel uıqyda. Men ortańǵy polkide jatyrmyn. Jalǵyz-aq mende uıqy joq. Men kitap oqyp jatyrmyn. Kúnmen de, uıyqtaǵan elmen de isim joq, uıqy jáne joq. Óz qyzyǵym ózimde. Óıtkeni, oqyp jatqan kitabym qyzyq...

Kitap qandaı kóńildi! Mazmuny qandaı kúshti! Tili qandaı tátti! Qanymdy, janymdy — bárin osy kitabym bılep alǵan. Qolymdaǵy kitaptyń qushaǵyna tolyq kirgemin. Bul kitap oqysam — demalys, oılasam — aqyl. Oı kózimdi ashady, qaıratymdy ozdyryp, jigerimdi kótergendeı. Bul kitap — meniń ómirdegi serigim. Bul kitapty taýyp alǵaly, meniń ómirge senimim molaıa bastady, jańa bir dúnıege kirgendeı bola bastadym. Bul kitap kúni-túni kókeıimde, kóz aldymda. Muny kózimdi jumyp oqımyn. Kitabym aty — Patıma edi. Poıyzdyń polkisinde jatyp, kózimdi jumyp, sony oılanyp kelem. Sózderin sanaımyn, kózderin elestetem... Sol.

17-mamyr, 1933 jyl. Vagon

---