InfoHub Logo

«Qyzmet etken adamǵa basqalar da qyzmet etedi» hadıs shárıfiniń kórsetip turǵany, kimde-kimniń adamdarǵa qyzmeti, jaqsylyǵy ótken bolsa, mindetti túrde basqalardyń da oǵan qyzmeti, jaqsylyǵy ótedi. Bireýge jaqsylyq jasaǵan adamnyń munyń ótemi retinde qanshalyqty kóp jaqsylyq kóretinin tek Allah biledi. Oǵan adamdardan jaqsylyq qaıtpasa, perishteler járdem berýge keledi. Óıtkeni paıǵambarymyz bosqa sóılemeıdi. Osy sebepten, bir úzim nanmen bolsa da, ıaǵnı azdaǵan nársemen bolsa da, qoldan kelgenin istep, jaqsylyq jasaý kerek.

Hazreti Álı «Men ómirimde eshkimge jaqsylyq jasamadym, ne istesem de, bárin ózim úshin istedim» degen kezde, muny estigender «Sizge senemiz, biraq aıtqanyńyzdy túsine almadyq, sizdiń kóp jaqsylyq istegenińizdi bilemiz ǵoı» deıdi. Buǵan bylaı jaýap beredi: «Kimge qandaı jaqsylyq istegen bolsań, ol adam tek qýanady, biraq maǵan eń az degende on ese saýap jazyldy. Birge on saýap aldym. Al endi men kimge jaqsylyq jasadym, ózime me, álde álgi adamǵa ma? Árıne negizinde jaqsylyqty ózime istedim. Ol birneshe kúndik dúnıede biraz qýanyp qaldy, alaıda meniń tapqandarym ahırette aldymnan shyǵady. Negizgi tabys — ahırette qol jetkizilgeni. Ahırette meniń dápterim ashylǵan kezde istegen jaqsylyqtarymnyń ótemin Allahý ta’ala maǵan molynan ıhsan etedi (beredi), sebebi Quran kárimde «Jaqsylyq jasaýdyń aqysy — jaqsylyq kórý» delingen».

Olaı bolsa, aqyldy adam qolynan kelgenshe jaqsylyq jasaýy kerek.

---