InfoHub Logo

Stress - qatty kúızelý, abyrjý, aǵzanyń qıyn jaǵdaılarǵa qaıtaratyn jaýaby. Stress jalǵyzdyq pen oqshaýlyq, ýaıym-qaıǵy, jaqynyńnan aıyrylý sekildi sebepterden týyndaıdy.

Deneniń stresske qaıtaratyn jaýaptary alýan túrli bolady. Olardyń fızıkalyq belgilerin qarastyraıyq.

Eń jıi kezdesetin belgiler:bastyń aýyrýy, ishtiń aýyrýy, ıyq pen arqadaǵy aýyrlyq sezimi, júrektiń qatty soǵýy, kishi dáretke jıi barýdy qajetsiný, tábettiń joǵalýy nemese artyq tamaqtaný, uıqynyń buzylýy.

Eger sizde bul belgiler jıi qaıtalansa arnaıy mamandarǵa júginýge bolady.

Jáne de stressten tolyq qashyp qutylýǵa bolmaıdy, onyń paıdasy da shamaly. Adam aǵzasyna belgili bir stress mólsheri qajet. Ol adamdy qıyn jaǵdaılarǵa tótep berýge beıimdep, óz-ózińdi daıyndaýǵa kómektesedi.

Daǵdarys-kenetten, múldem kútpegen jerden tyǵyryqqa tireıtin jaǵdaılar men oqıǵalarǵa jaýap qaıtarý.

Daǵdarys kóbine ótkinshi bolady. Iaǵnı bir qıyn jaǵdaılardyń saldarynan kúızeliske túsý.

Daǵdarys qaýip-qater de týdyrýy múmkin. Ol syrtqy kelbetke nemese aǵzanyń ózgeristerine de ákelip soǵady. Daǵdarystyń sońy stresske ákelip soǵady, al keıde tipti janyńdy aýyrtady.

Stress pen daǵdarysty qalaı jeńýge bolady?

Stress pen daǵdarysty únemi derlik jeńýge bolady ári ol mindetti túrde bitedi. Ony jeńý úshin adam ózin jeke tulǵa retinde qabyldaýy qajet. Daǵdarys kezinde dostar men otbasy músheleriniń qoldaýy óte mańyzdy. Sol sebepti óz ishińde bolyp jatqan sezimder men jaǵdaılardy ishke tunshyqtyrmaı, jaqyndaryńa aıtyp, bólisý qajet. Keıde mamannyń kómegi qajet bolady Osyndaı sátter de nemese bir qıyn jaǵdaı týyndasa, keńes, kómek qajet bolsa, Jastar densaýlyq ortalyǵyna qońyraý shalyp, keńes alýǵa bolady. Qońyraý shalý tegin.

8-800-080-22-26

Paıdalanylǵan ádebıetter:ata-analar men jastarǵa arnalǵan qosymsha aqparat www zhastar.org saıty ata-analarǵa aqparattyq qoldaý kórsetý www. teenslive.kz saıty

kk.m.wikipedia.org saıty

Baıanbaeva Samal

---