InfoHub Logo

Sadaq - suq jebesin oqyrman júregine dóp qadaǵan basylym. Qaýyzyn jaryp shyqqan qyzǵaldaqtaı ózinshe árli edi. Jas óren úshin nár beretin. Qyzyq, á? Qos qoldap emes, aqyl ońdap jýrnal jolynyń bolýy. Keleshek kelimsekke qalam usta, oqy-toqy bul sendik jýrnal deýi sóz-aq. Igiden úırenip, ıtten jırenýdi úlgi qylatyndar azshylyqty quraıtyn. Al tálimger janyn uǵatyn shyn dos peıil kemde-kem. Sadaq sol jaǵynan ozyq.

Kezinde Beıimbettiń bıigin qushý jazbasa da, Jıenǵalıdiń syn ustarasynan ótý baqyty buıyrǵan. Erikkenge ermek dep elde joq dúnıeni jazatyndar esik syrtyn jaǵalaıtyn. Avtorlar ushtalatyn. Keıinnen shyńdalatyn. Zańǵarǵa jetpes buryn zapyranǵa tótep beretin. Endigi kezekte maqsat-múddelerine den qoısaq. Syr ataýly bette me, álde túpte me? Álbette, tereńde. Ǵalıa medresesiniń shákirtterin ulttyq avtonomıa jasaýda jasampazdyq tanytýǵa shaqyrdy. Ony zertteýshiler tarapynan sókkenderi de bar. Alaıda, biz aıyp taqpaımyz. Ol úshin eshkim de emespiz. Keńestik kezeńniń lajsyz áreketi dep bilemiz. Odan tys ustazdyń ulyq bolmysyna bolysatyn keńester te kóptep jarıa etildi. Tálim berýshi qýatyn tek balaýsa janǵa arnasa kemis. Bútil halyqqa joldasa nur.

Sonda da minsizdik mini bar tirshilikke jaraspasa kerek-ti. Sadaqtyń osal tusy - ıdeıalyq turaqsyzdyǵy. Kúndelikti ózgeristi oń, teris demeı túgel jańalyqqa balaýy ábestik. Kinárattan góri tanym taıazdyǵyna saıady. Iá, jas «Sadaq» ol úshin tym jas. Qajetin jumsap, kereksizin ysyrarmyz. Ózdik tańbasy on bes jebemen aıshyqtalǵan jýrnal!

Aǵybaeva Arýjan Orazqyzy

---