InfoHub Logo

Qadirli jeńgeı!
 
Sizdi adam ómiriniń aıtýly belesi .... jasqa tolýyńyzben shyn júrekten quttyqtaımyz! Sizder óz zamandaryńyzda elge, halyqqa qyzmet etken, urpaq ósirgen býynsyzdar. Endi sonyń jemisin–beınettiń zeınetin kórer kez keldi. Bul árkimniń-aq qyzyǵar toıy. Úlkeni bar úıdiń quty bar. Bizdiń qadirmendi Jeńgemiz retinde Ózińizdi ortamyzdyń quty, aǵaıynnyń yrysy, bala-shaǵanyń berekesi dep bilemiz. Úlkeni bar eldiń qazynasy bar dep beker aıtylmaǵan. Sizge árqashanda zor densaýlyq, uzaq jas, ómirdiń, urpaqtyń qyzyǵyn kóre berýdi tileımiz.

*** *** *** ***

Náziktik boıyńyzǵa jarasqandaı,
Bıkeshter ózińizben talasqandaı.
Kelbet pen jan sulýlyq qatar kelip,
Táńirim baryn sala qarasqandaı.
 
Janary tógetuǵyn erekshe nur,
Jeńgeıge arnalady bólekshe jyr.
Búgingi týǵan kúniń qutty bolsyn!
Qulpyryp shyǵa kelshi beleske bir!
 
Jyl saıyn qýanyshqa bólenińiz,
Baqytqa otbasylyq kenelińiz!
Jumysta eńbegińiz baǵalanyp,
Shattyqta, qýanyshqa kenelińiz!

*** *** *** ***

Erteli-kesh tynbastan tompańdaıtyn, jeńeshem,
Qas-qabaqqa qaraılap jaýtańdaıtyn jeńeshem.
Qyz Jibektiń ózi dep aǵa alǵan,jeńeshem,
Peri me? dep kópshilik ań-tań qalǵan, jeńeshem.
 
Jerge tıer tik tursań qolań shashyń,jeńeshem,
Eske salar Aıdy qalam qasyń, jeńeshem.
Talaı jigit qaldy-aý Átteń-aılap, jeńeshem,
Buıyrmastan bizderge ketkeni-aılap, jeńeshem.
 
Ystyq býy palaýdyń shubatyldy, jeńeshem.
Qyz-ǵumyryń keıinnen uzatyldy, jeńeshem.
Endi otyrsyń úıińniń qurap basyn, jeńeshem.
Tórteý ettiń aǵamnyń bir-aq basyn, jeńeshem.
 
Áli kúnge qaınyńyz súr boıdaq júr, jeńeshem,
Sulý sińliń bolsa eger bizdi oılap júr, jeńeshem.
Sóz taba almaı qyzdarǵa otyramyn, jeńeshem,
Qol ustatsań ar jaǵyn qatyramyn, jeńeshem...

*** *** *** ***