InfoHub Logo

Qadirli jezde!

Sizdi búgin alpystyń tórinen, abyroıdyń bıginen kórip otyrǵanymyzǵa qýanyshtymyz. Bul tórge qalaı shyqqanyńyz, bıikke qalaı kóterilgenińiz bizdiń kóz aldymyzda, kóńilimizde. Sizdiń qanshalyqty asqaq bolǵan saıyn, sonshalyqty bıazy kisilik, kishililik qasıetterińizdi el aldynda únemi úlgi etip aıtyp júremiz, aǵaıyn maqtan etip keledi.

Adamda úsh qýanysh bolady degen halyqtyń danalyq sózi bar. Olar – alǵys alý, ózińdi kóptiń izdeýi jáne isińniń óshpeýi eken. Búgin biz osynyń bárin Sizdiń óz basyńyzdan, otbasyńyzdan, ortańyzdan kóremiz.

Sizdiń tóńiregine nuryn tógetin jaryq shamdaı ashyq ta kópshil, baýyrmaldyq qasıetterińizdi biz únemi sezinip kelemiz. Muny Sizben janasqan árbir jannyń sezinbeýi múmkin emes dep oılaımyn. Naq osy minez baılyǵy, parasat keńdigi, qabilet qunary Sizdi búgingi kúni týǵan eldiń, ósken ortanyń, eńbektes ujymnyń, áriptesterińizdiń tereń de zor qurmetine bólep otyr.

Apaıymyz mártebeli qyzmetti tyńǵylyqty atqarýmen qatar Sizdiń babyńyzdy taba bilgen jaıly minezi, elgezektigi óz aldyna bólek áńgime. Sondyqtan halqymyz aıta berer úsh bıik: dańq, dáýlet, danalyq toǵysqan, erdiń jasy alpysqa kelip tolysqan shaǵyńyzda shalqar toıyńyzǵa qutty bolsyn aıtamyz, qýanamyz.

Alla taǵala osy abyroıyńyzdan aıyrmasyn, elim, Otanym dep soqqan júregińiz qartaımasyn. Apaıyma ekeýińiz kópke jasaǵan ıgi isterińizdiń, balalarǵa jumsaǵan beınetterińizdiń jemisin kóre berińizder.
 
Qurmetpen, baldyzyńyz          

*** *** *** ***                   

Azat, Bilál, Baýyrjan tatý – tátti bajalar
Baldyz degen jezdesin, ákesindeı  baǵalar
Qaryndasym qyzym dep aǵasyndaı aıalar
Jaqsy  bolsa jezdeler jaza bersek tabylar
Bizdi jazbaı ketti keıbireýi naz qylar
Túsinseńder kúıeýler, aqylǵa salyp barlyǵyn
Jaman kúıeý shý qylar,
Aqyldy kúıeý anyqtap, joq nárseni bar qylar
Tatý – tátti týysqan bárin oılap ar qylar.

*** *** *** ***

Biraz boldy aýylǵa barmaǵaly-aı,
Densaýlyǵy jezdemniń qazir qalaı...
Kúlásh apamnyń demdegen kúreń shaıyn
Urttap iship jatyr ma jantaıyp-aı.

*** *** *** ***