InfoHub Logo

BilimUstaz pedagogter qaýymdastyǵy qyzmetiniń mańyzdy baǵyttarynyń biri — pedagogterdiń biliktiligin arttyrý. Ol, negizinen, biliktilikti arttyrý kýrstaryn uıymdastyrý jáne vebınarlar ótkizý arqyly júzege asyrylady. Pedagogter biliktiligin arttyrýǵa arnalǵan onlaın-kýrstar bilimustaz.kz platformasynda qazaq jáne orys tilderinde usynylǵan ári pedagogıka men pedagogıkalyq tehnologıalardyń, mektep psıhologıasynyń jáne sıfrlyq resýrstardy qoldana otyryp oqytýdy uıymdastyrýdyń ózekti máselelerine arnalǵan.

Mynadaı ózekti taqyryptar boıynsha tegin kýrstan ótýge bolady:

●    Bilim berýdiń sıfrlyq transformasıasy jaǵdaıynda pedagogtiń zamanaýı quzyretterin qalyptastyrý;      
●     Pedagogtiń sıfrlyq saýattylyǵy: bilim berý prosesine tıimdi sıfrlyq quraldardy engizý;     
●     Sıfrlyq saýattylyq;  
●     Baǵalaý jáne refleksıa;     
●     Muǵalimderge arnalǵan ádistemelik sheberhana;      
●     OnlineMektep-ti qoldanyp, qashyqtan oqytýdy qalaı uıymdastyrýǵa bolady? (muǵalimderge arnalǵan);   
●     OnlineMektep-ti qoldanyp, qashyqtan oqytýdy qalaı uıymdastyrýǵa bolady? (oqýshylarǵa arnalǵan);     
●     Ádistemelik sheberhana: muǵalimderge arnalǵan teorıa men tájirıbe;  
●     Pedagogıka negizderi jáne oqytý ádistemeleri;     
●     Inklúzıvti bilim berýge kirispe;
●     Microsoft OneNote synyptyń jazý kitapshasyn qoldanyp, tapsyrmalar qurastyrý;    
●     Microsoft Teams baǵdarlamasymen tanysý;
●     Úırenýdi úırený;
●     Esse qalaı jazylady?

«Pedagogterdiń biliktiligin arttyrý kýrstarynyń bilim berý baǵdarlamalaryn ázirleý, kelisý jáne bekitý qaǵıdalaryn bekitý týraly» QR BǴM 2020 jylǵy 4 mamyrdaǵy № 175 buıryǵyna sáıkes «Bilim berýdiń sıfrlyq transformasıasy jaǵdaıynda pedagogtiń zamanaýı quzyretterin qalyptastyrý» (Abaı atyndaǵy QazUPÝ Informatıka jáne bilimdi aqparattandyrý kafedrasymen birlesip ázirlengen) jáne «Pedagogtiń sıfrlyq saýattylyǵy: bilim berý prosesine tıimdi sıfrlyq quraldardy engizý» baǵdarlamalary Qazaqstan Respýblıkasy Bilim jáne ǵylym mınıstrligi Saraptama keńesiniń saraptamasynan ótti.

Kýrstardy ótkende dáris materıaly, vıdeo, oqyǵan taqyryptardy bekitýge arnalǵan jattyǵýlar, óz betinshe oqýǵa arnalǵan materıaldar, zerthanalyq jumystar jáne ár sabaqtan keıin ózin-ózi baqylaýǵa arnalǵan test tapsyrmalary beriledi. Sondaı-aq pedagogterge kýrstan keıin de qoldaý kórsetiledi. Kýrs qorytyndy testileýmen aıaqtalady, eger odan sátti ótse, pedagogke sertıfıkat alýǵa (aqyly) múmkindik beriledi.
Onlaın-kýrstar men vebınarlar óndiristen qol úzbeı-aq pedagogtiń biliktiligin arttyrýǵa jáne ózine yńǵaıly ýaqytta jáne yńǵaıly jerde oqýǵa  múmkindik beredi.

BilimUstaz qaýymdastyǵynyń pedagogterine aqparattyq qoldaý kórsetý úshin https://t.me/ustazbilimland telegramm-arnasy iske qosyldy. Onda mekteptegi bilim berý júıesiniń sońǵy ózgeristeri, sıfrlyq pedagog úshin jańa múmkindikter, sondaı-aq respýblıkalyq mańyzy bar tegin baıqaýlar men vebınarlar týraly aqparat beriledi.

BilimUstaz atestattaýdan ótý kezinde muǵalimderdi qoldaý boıynsha da úlken jumys atqarady. BilimLand ekojúıesinde pedagogtiń elektrondyq portfolıosyn qurý – osy jumystyń bir baǵyty. Pedagog portfolıosy – muǵalimniń kásibı deńgeıin kórsetetin materıaldardy bekitý men jınaqtaýdyń sıfrlyq quraly. Sondaı-aq muǵalimderge arnalǵan BilimUstaz –  komýnıkasıa jáne tájirıbe almasý alańy (ádistemelik materıaldar, sıfrlyq sabaqtar katalogteri, bólimdi jáne toqsandy jıyntyq baǵalaý boıynsha baqylaý jumystary).

---