InfoHub Logo

(parodıa)

Ol telefon soqqan kezde men tósekte televızor kórip jatqanmyn. Túngi on ekiler shamasy bolar, bálkim.

— Sálem, — dedi ol. Daýysy ádettegiden jaı shyqty. Tipti aýyryp qalǵan adamnyń daýysy tárizdi sál ózgerińkirep shyqty. Álde durys sóıleýge bar kúshin jumsaıtyn mas adamdardiki sıaqty ma eken? Áıteýir birtúrli.

— Sálem. Jaıshylyq pa? 

— Iá, jaı.

Sózsiz iship alǵan dep oıladym. Ýdaı mas.

— Qaı jerde, neni toılap otyrsyńdar?

— Biz… Biz búgin jol apatyna ushyradyq qoı. 

— Iá?

Júregim sý ete qaldy.

— Biziń kim?

— Berik, Baqyt, úsheýmiz. Trassada. Qatty júrip… mashına aýdarylyp… Mashına joldan kóp shyǵyp ketip… Jaqyn mańda eshkim joq. Eshkim kórgen joq.

— Aınalaıyn, durystap ret-retimen aıtshy. Endi qazir qaıdan zvondap tursyń? 

— Sol jerden. Bireýlerdi shaqyra salshy deıin dep…

— Jaqsy. Qaı jerde tursyńdar?

— Qaladan shyqqannan keıingi kópirdiń mańaıy.

— Jaqsy, qazir zvondaımyn. Barlyǵyń amansyńdar ma, áıteýir?

— Joq, joq, aman emespiz.

— Ne boldy?

— Bárimiz aman emespiz.

Ol telefon tutqasyn qoıa saldy. Al men jalma-jan ornymnan turyp, jedel járdemge, Qutqarý qyzmetine telefon shaldym. Sodan keıin taksı ustap, ózim de jettim. Barlyǵyna kóp bolsa bir saǵat ýaqyt ketken shyǵar. Olardyń úsheýi de qaıtys bolyp ketipti. Barlyǵynyń ólgen ýaqyty — búgin tańerteń!!!

---