InfoHub Logo

Ol ádemi bolatyn. Ol aınaǵa qarap turyp, óziniń bul ómirge kelý sebebi týraly oılaıtyn. Eger Jaratýshy buǵan osynshama sulýlyq bergen bolsa, onyń jón-josyqsyz, maqsatsyz bolýy múmkin be? Múmkin emes tárizdi. Bul qazynanyń áldebir, dáretke otyryp, jýynbasa kirlep, nastanyp ketetin erkekke, meıli, ol álemdegi eń kórkem, eń aqyldy erkek bolsyn, kádimgi pende erkektiń nesibesine berilýi múmkin emes. Ol aınaǵa qarap osylaı oılaıtyn. «Maqul, – deıtin sodan keıin, – tipti solaı-aq bolsyn. Biraq, qalaı?» Múmkin emes tárizdi. Ol sondaı-aq óziniń, osy minsiz, sulý denesiniń ajaldy ekendigin biletin. Sondyqtan barynsha abaılap júrýge tyrysatyn. Kósheden ótkende, kólikke mingende, jany murnynyń ushyna keletin. Eshqashan, esh jerde túnge qalyp kórgen emes. Ol adamdardyń túrli haıýandyqqa baratynyn, aıaýsyz ekendigin biletin. Ol osylaısha uzaq ómir súrdi. Ádemi qartaıdy. Sodan keıin kúnderdiń bir kúninde ádemi óldi. Onyń tabıǵat sheberdiń qolynan shyqqan múltiksiz denesine syzat túsken joq.

---