Kim óldi eken?
Kún buzylyp keledi. Aspan kúńgirttenip, jerge tóne túsken. Aýada ylǵal bar. Kenet syrttan aıaq tyqyry estildi. Áldekimderdiń kúmbirlegen daýystary shyqty. Molda Quran oqyp jatyr ma? Shynymen meniń janyma bireý kelmek pe? Men demimdi ishime tartyp tyń tyndadym. Biren-saran adam júrisinen bastalǵan dybys birte-birte ulǵaıyp, qalyń dúmpilge aınaldy. Bireý daýys salyp jylaıtyndaı. Qansha zeıin qoıyp tyńdasam da, tanı almadym, bóten ún, bóten kisiler. Qansha zaman ótti? Qansha býyn aýysty? Bilmeımin.
Syrtta kúz bolatyn. Jerge yzǵar aralasa bastaǵan. Biraq maǵan báribir. Men tek bul tobyrdyń kimdi qoıýǵa kelgenin bilgim keledi. Kim óldi eken?
You Might Also Like
-
Úlken qaladaǵy sáýletti saraılardyń tasasyndaǵy eski úıde qaltyldap áreń qozǵalatyn, appaq juqa shashy jelkesin japqan qarıa turady. Onyń jalǵyz sary ala mysyǵy bolatyn. Jumsaq júniniń myj-myjy shyǵyp...
